ശബരിമല: സംസ്ഥാന സർക്കാരിന് മേധാ പട്കറുടെ സല്യൂട്ട്

ന്യൂഡൽഹി: ശബരിമല വിഷയത്തിൽ കേരള സർക്കാരിന് പിന്തുണയുമായി സാമൂഹിക പ്രവർത്തകയും നർമ്മതാ ബച്ചാവോ ആന്ദോളൻ സമര നായികയുമായ മേധാ പട്കർ. സ്ത്രീകളുടെ ഒപ്പം നിന്ന സർക്കാരിന് സല്യൂട്ട് അർപ്പിക്കുന്നതായും മേധാ പട്കർ പറഞ്ഞു. മാതൃഭൂമി റിപ്പോർട്ട് ചെയ്തു.

ആചാരങ്ങൾ അനീതിയാകാൻ പാടില്ല. ഭരണഘടനയെ മാനിക്കേണ്ടതുണ്ട്. ആചാര സംരക്ഷണം എന്നപേരിൽ നടക്കുന്ന സമരങ്ങൾ തെരഞ്ഞെടുപ്പ് മുന്നിൽക്കണ്ടാണെന്നും മേധാ പട്കർ പറഞ്ഞു.

ശബരിമല സമരത്തെ പിന്തുണയ്ക്കുന്ന കോൺഗ്രസ് സ്വന്തം ശവക്കുഴി തോണ്ടുകയാണെന്നും മേധാ പട്കർ വ്യക്തമാക്കി.