സമരം അടിച്ചമർത്താൻ അനുവദിക്കില്ലെന്ന് ശ്രീധരൻ പിള്ള

കൊല്ലം: ശബരിമലയിലെ ആചാരണങ്ങൾ സുപ്രീം കോടതി വിധിയിലൂടെ തകർക്കാൻ ശ്രമിക്കുന്നതിനെ തടയുമെന്ന് പന്തളം കൊട്ടാരം. ശബരിമല സ്ത്രീ പ്രവേശന വിഷയത്തിൽ എതിർപ്പ് രേഖപ്പെടുത്തി എൻഡിഎ നടത്തുന്ന പ്രതിഷേധ റാലി ഇന്ന് കൊല്ലം ജില്ലയിൽ പ്രവേശിച്ചു. ഈ മാസം 15ന് പ്രതിഷേധ റാലി സെക്രട്ടേറിയറ്റിൽ എത്തും. സമരത്തെ അടിച്ചമർത്താൻ ആര് ശ്രമിച്ചാലും തിരിച്ചടിയുണ്ടാകുമെന്ന് ബിജെപി സംസ്ഥാന അധ്യക്ഷൻ പി.എസ് ശ്രീധരൻ പിള്ള കൊല്ലത്ത് പറഞ്ഞു.

തിരുവനന്തപുരം സെക്രട്ടേറിയറ്റിന് മുന്നിൽ ഇന്ന് നടന്ന പ്രതിഷേധ പരിപാടികളിൽ കോൺഗ്രസ് നേതാക്കളും സുരേഷ് ഗോപി എംപിയും പങ്കെടുത്തു. അയ്യപ്പ ധര്മ സംരക്ഷണ സമിതിയും പന്തളം കൊട്ടാരവും ചേർന്നാണ് നമ ജപയജ്ഞം സംഘടിപ്പിച്ചത്. തങ്ങൾ ഒരു കൊടിയുടെയും കീഴിൽ അല്ല അണിനിരക്കുന്നതെന്ന് പന്തളം കൊട്ടാരം പ്രതിനിധികൾ വ്യക്തമാക്കിയെങ്കിലും കോൺഗ്രസും ബിജെപിയും ബിഡിജെഎസും സമരത്തിന് പിന്തുണ നൽകുന്നുണ്ട്. സർക്കാർ വിധി നടപ്പാകുന്നത്മുയി തന്നെ മുന്നോട്ട് പോകുമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ വ്യക്തമാക്കി.