പമ്പ: ശബരിമല ഉത്സവത്തിന് ഇന്ന് കൊടിയിറങ്ങും. പമ്പയിൽ നടക്കുന്ന ആറാട്ടോടുകൂടിയാണ് 10 ദിവസത്തെ ഉത്സവത്തിന് സമാപനമാകുന്നത്. രാവിലെ എട്ടരയോടുകൂടി ആറാട്ട് ഘോഷയാത്ര സന്നിധാനത്ത് നിന്ന് പുറപ്പെടും. രാവിലെ 11 മണിക്ക് തന്ത്രി കണ്ഠരര് മഹേശ്വരരുടെ നേതൃത്വത്തിലാണ് ആറാട്ട് ചടങ്ങുകൾ നടക്കുന്നത്. വൈകുന്നേരം നാല് മണിക്കാണ് ആറാട്ട് ഘോഷയാത്ര പമ്പയിൽ നിന്ന് സന്നിധാനത്തേക്ക് പുറപ്പെടുന്നത്. ഏഴ് മണിയോടെ സന്നിധാനത്ത് എത്തിച്ചേരും. ഇതിനുശേഷം ആറാട്ട് ബലിയോടെ കൊടിയിറക്ക് നടക്കും.
അതേസമയം സന്നിധാനത്ത് തീര്ത്ഥാടകരുടെ തിരക്ക് അനുഭവപ്പെടുന്നുണ്ട്. വിഷു പൂജയ്ക്കായി ശബരിമല നട അടുത്ത മാസം തുറക്കും.
അതേസമയം സന്നിധാനത്ത് തീര്ത്ഥാടകരുടെ തിരക്ക് അനുഭവപ്പെടുന്നുണ്ട്. വിഷു പൂജയ്ക്കായി ശബരിമല നട അടുത്ത മാസം തുറക്കും.