"യുവതികള്‍ കയറിയാല്‍ ശബരിമല അനിശ്ചികാലത്തേക്ക് അടച്ചേക്കും"

കൊച്ചി: ആചാരം ലംഘിച്ച് സ്ത്രീകള്‍ പ്രവേശിച്ചാല്‍ അനിശ്ചിതകാലത്തേക്ക് ശബരിമല നട അടയ്‍ക്കാന്‍ ക്ഷേത്രവുമായി ബന്ധപ്പെട്ടവര്‍ തീരുമാനിച്ചതായി റിപ്പോര്‍ട്ട്. ആദ്യഘട്ടത്തില്‍ സ്ത്രീകളെ പ്രവേശിപ്പിക്കാതിരിക്കാനും പിന്നീട് പൂര്‍ണമായും നട അടച്ചിടാനുമാണ് തീരുമാനമെന്ന് പന്തളം കൊട്ടാരം പ്രതിനിധി കേരള വര്‍മരാജ പറഞ്ഞതായി മംഗളം ദിനപത്രം റിപ്പോര്‍ട്ട് ചെയ്‍തു.

പന്തളം കൊട്ടാരത്തിന്‍റെ ഭരണസമിതിയിലുള്ളയാളാണ് കേരള വര്‍മരാജ.

ക്ഷേത്രം അനിശ്ചിതകാലത്തേക്ക് അടച്ചിടുന്ന കാര്യം ചര്‍ച്ച ചെയ്‍തത് ഭരണസമിതി ചര്‍ച്ച ചെയ്‍തിരുന്നതായി കേരള വര്‍മരാജ മംഗളത്തോട് സ്ഥിരീകരിച്ചു. ഇക്കാര്യത്തില്‍ അവസാന തീരുമാനം എടുക്കേണ്ടത് തന്ത്രിമാരാണെന്നാണ് ഭരണസമിതിയുടെ തീരുമാനം.