ശബരിമല: ദേവസ്വം ബോര്‍ഡ് യോഗം ഇന്ന്

തിരുവനന്തപുരം: ശബരിമല സ്ത്രീപ്രവേശന വിധിയിന്മേലുള്ള ചര്‍ച്ചകള്‍ക്കായി തിരുവിതാംകൂര്‍ ദേവസ്വംബോര്‍ഡ് യോഗം ഇന്ന് തിരുവനന്തപുരത്ത് ചേരും. ശബരിമലയിലെ കാലങ്ങളായുള്ള ആചാരവും വിശ്വാസികളുടെ താത്പര്യവും സംരക്ഷിക്കാന്‍ സ്വീകരിക്കേണ്ട തുടര്‍നടപടികള്‍ മുൻനിര്‍ത്തിയായിരിക്കും യോഗ നടപടികള്‍. സ്ത്രീ പ്രവേശനത്തെച്ചൊല്ലിയുള്ള പ്രതിഷേധങ്ങള്‍ക്കിടെ തുലാമാസപൂജ പൂര്‍ത്തിയാക്കിയതോടെ ശബരിമല നട തിങ്കളാഴ്ച അടച്ചിരിക്കുകയാണ്.

മൂന്നാഴ്ച മുമ്പ് പുറപ്പെടുവിച്ച സുപ്രീംകോടതി വിധിയില്‍ ദേവസ്വം ബോര്‍ഡ് ഇതുവരെ വ്യക്തമായ നിലപാട് സ്വീകരിച്ചിട്ടില്ലെന്നത് ഏറെ പ്രതിഷേധങ്ങള്‍ക്ക് കാരണമായിരുന്നു. ഈ സാഹചര്യത്തിലാണ് അടിയന്തരമായി ഇന്ന് ബോര്‍ഡ് യോഗം ചേരുന്നത്.