സ്ത്രീ പ്രവേശന വിധി; പുനപരിശോധന ഹര്‍ജി നല്‍കുമെന്ന് രാജകുടുംബം

പത്തനംതിട്ട: ശബരിമല സ്ത്രീ പ്രവേശന വിധിക്കെതിരെ പുനപരിശോധന ഹര്‍ജി നല്‍കുമെന്ന് പന്തളം രാജകുടുംബം. ഇന്നു രാവിലെ ചേര്‍ന്ന പന്തളം കൊട്ടാരം നിര്‍വാഹക സമിതി യോഗത്തിലാണ് തീരുമാനം എടുത്തത്.

നിയമവിദഗ്ദരുമായുള്ള ചര്‍ച്ചകള്‍ക്കുശേഷം സ്ത്രീ പ്രവേശനത്തില്‍ സുപ്രീംകോടതി ഫുള്‍ബെഞ്ചിന് വിടണമെന്ന് ആവശ്യപ്പെടും. ക്ഷേത്ര പ്രവേശനം അനുവദിച്ച സുപ്രീംകോടതി വിധി മറികടക്കാന്‍ നിയമനിര്‍മ്മാണം നടത്തണമെന്നാവശ്യപ്പെട്ട് രാഷ്ട്രപതിയെയും കേന്ദ്ര സര്‍ക്കാരിനെയും സമീപിക്കാനും യോഗത്തില്‍ ആവശ്യമുയര്‍ന്നു.

സുപ്രീംകോടതി വിധിക്കെതിരെ റിവ്യൂ ഹര്‍ജി നല്‍കാനാണ് യോഗത്തിന്‍റെ തീരമാനം. ക്ഷേത്ര ഉപദേശ സമിതി, അമ്പലപ്പുഴ, ആലങ്ങാട് പേട്ട സംഘങ്ങള്‍, നിയമജ്ഞര്‍, വിവിധ ഭക്തജന സംഘങ്ങള്‍ തുടങ്ങിയവര്‍ യോഗത്തില്‍ പങ്കെടുത്തു.