ശബരിമല: സ്ത്രീകളെ തടയില്ലെന്ന് അയ്യപ്പ സേവാ സംഘം

തിരുവനന്തപുരം: ശബരിമല കയറുന്ന സ്ത്രീകളെ തടയില്ലെന്ന് അയ്യപ്പ സേവാ സംഘം. ദേവസ്വം ബോർഡ് വിളിച്ചു ചേർക്കുന്ന ചർച്ചയിൽ നാളെ പങ്കെടുക്കുമെന്നും സേവാ സംഘം വ്യക്തമാക്കി. പന്തളം കൊട്ടാരം ചർച്ചയിൽ പങ്കെടുക്കുമോ എന്ന കാര്യത്തിൽ ഇത് വരെ നിലപാട് അറിയിച്ചിട്ടില്ല. തിരുവനന്തപുരം പട്ടത്ത് നിന്ന് സെക്രട്ടേറിയറ്റിലേക്ക് എൻഡിഎയുടെ നേതൃത്വത്തിലുള്ള ലോങ്ങ് മാർച്ചിന്റെ അവസാനഘട്ടം ആരംഭിച്ചു.

സുപ്രീം കോടതി വിധി ഉടൻ നടപ്പാക്കരുതെന്ന് കേരള സർക്കാരിനോട് ആവശ്യപ്പെടുമെന്ന് അയ്യപ്പ സേവാ സംഘം വ്യക്തമാക്കി. നിലക്കൽ മുതൽ പമ്പ വരെ ഭക്തർക്ക് ഒരുക്കിയിരിക്കുന്ന സൗകര്യങ്ങൾ, കെഎസ്ആർടിസി സർവീസ് ഉൾപ്പടെയുള്ള കാര്യങ്ങൾ ഇന്ന് സർക്കാർ ഹൈക്കോടതിയിൽ അറിയിക്കും. സെക്രട്ടേറിയറ്റിലേക്ക് സുപ്രീം കോടതി വിധിക്കെതിരെ എൻഡിഎ നടത്തിവന്ന ലോങ്ങ് മാർച്ച് ഇന്ന് അവസാനിക്കും. അതിനിടെ, കൂടുതൽ സ്ത്രീകൾ മല ചവിട്ടുമെന്നാണ് സൂചന. 41 ദിവസം വ്രതമെടുത്ത് തന്നെ മല ചവിട്ടുമെന്ന് കണ്ണൂർ സ്വദേശിനി രേഷ്‌മ നിഷാന്ത് വ്യക്തമാക്കി.