ശബരിമല; വിശ്വാസ സംരക്ഷണത്തിന് യൂത്ത് ഫ്രണ്ട് (എം) ശയന പ്രദക്ഷിണം നടത്തും

കോട്ടയം: ശബരിമലയിൽ എല്ലാ പ്രായത്തിലുമുള്ള സ്ത്രീകൾക്ക് പ്രവേശനം അനുവദിച്ചതിനെതിരെ കേരളാ കോൺഗ്രസ് യൂത്ത് ഫ്രണ്ട് (എം) സമരത്തിന്. സുപ്രീം കോടതി വിധിക്കെതിരെ സംസ്ഥാന സർക്കാർ നിയമനിർമ്മാണം നടത്തുക, തിരുവിതാംകൂർ ദേവസ്വം ബോർഡ് റിവ്യൂ ഹർജി നൽകുക, വിശ്വാസികളുടെ അവകാശം സംരക്ഷിക്കുക എന്നീ ആവശ്യങ്ങളുന്നയിച്ച് കോട്ടയം ജില്ലാ കമ്മിറ്റിയുടെ നേതൃത്വത്തിൽ ഒക്ടോബർ 6 ശനിയാഴ്ച രാവിലെ 10. 30 ന് എരുമേലി സെൻട്രൽ ജംഗ്ഷനിൽ പ്രതിഷേധയോഗവും ശയന പ്രദക്ഷിണം നടത്തപ്പെടും.

ജില്ലാ പ്രസിഡന്റ് പ്രസാദ് ഉരുളികുന്നത്തിന്റെ നേതൃത്വത്തിൽ നടക്കുന്ന പ്രതിഷേധ സമരം യൂത്ത്ഫ്രണ്ട് (എം) സംസ്ഥാന പ്രസിഡന്റ് സജി മഞ്ഞക്കടമ്പിൽ ഉദ്ഘാടനം ചെയ്യുന്നതും പാർട്ടിയുടെയും യൂത്ത് ഫ്രണ്ടിന്റെയും നേതാക്കാൾ പങ്കെടുക്കുമെന്നും യൂത്ത്ഫ്രണ്ട് (എം) ജില്ലാ ജനറൽ സെക്രട്ടറി ഷെയിൻ ജോസഫ് അറിയിച്ചു.

നലവിൽ ഇതേ ആവശ്യങ്ങളുമായി കോൺഗ്രസ്, ബിജെപി, മുസ്ലിംലീഗ്, കേരളാ കോൺഗ്രസ് എന്നീ പ്രതിപക്ഷ പാർടികൾ രംഗത്തുണ്ട്.