പൂജാരിമാരുടെ അടിവസ്ത്രം പരിശോധിക്കലാണോ മന്ത്രിയുടെ ജോലി?: ശശികുമാർ വർമ

പന്തളം: അടിവസ്ത്രമിടാത്ത പൂജാരിമാര്‍ സദാചാരം പഠിപ്പിക്കേണ്ടെന്ന മന്ത്രി ജി സുധാകരന്‍റെ പ്രസ്താവനയ്ക്ക് മറുപടിയുമായി പന്തളം മുൻ രാജകുടുംബ പ്രതിനിധി ശശികുമാര്‍ വര്‍മ. പൂജാരിമാര്‍ക്ക് അടിവസ്ത്രമുണ്ടോ എന്ന് പരിശോധിക്കുന്ന ജോലി കൂടി മന്ത്രിയ്ക്ക് ഉണ്ടെന്ന് ഇപ്പോഴാണ് മനസിലാകുന്നതെന്ന് അദ്ദേഹം പരിഹസിച്ചു.

പൂജാരിമാര്‍ക്ക് അടിവസ്ത്രമില്ലെന്നാണ് മന്ത്രിയുടെ കണ്ടെത്തൽ ഒന്നുകിൽ അദ്ദേഹത്തിന് അതില്ല. അല്ലെങ്കിൽ നാട്ടിലുള്ള എല്ലാവരെയും അദ്ദേഹം പരിശോധിച്ചു കാണുമെന്നും ശശികുമാര്‍ വര്‍മ്മ പറഞ്ഞു.

ജഡ്ജിമാരുടെ ഉത്തരവ് ആറുകോടി ജനങ്ങളെക്കാള്‍ വലുതാണന്ന് കരുതുന്ന ഭരണാധികാരികളാണ് കേരളത്തിലുള്ളതെന്നും ശശികുമാര്‍ വര്‍മ പഞ്ഞു.

കൊച്ചിയിൽ നടന്ന കേരള പോലീസ് ഓഫീസേഴ്സ് അസോസിയേഷൻ സെമിനാറിലായിരുന്നു പൊതുമരാമത്ത് മന്ത്രിയുടെ പ്രസ്താവന. അടിവസ്ത്രമിടാത്ത പൂജാരിമാര്‍ സദാചാരം പഠിപ്പിക്കേണ്ടെന്നായിരുന്നു മന്ത്രിയുടെ വാക്കുകള്‍.