ഹര്‍ത്താലിനെതിരെ ഇന്ന് മെഴുകുതിരി പ്രതിഷേധം

കൊച്ചി: ഇക്കൊല്ലം ഇത് വരെ 85 ഹര്‍ത്താലുകള്‍ ആണ് സംസ്ഥാനത്ത് നടന്നത്. ഇക്കഴിഞ്ഞ ഹര്‍ത്താലില്‍ വിദേശ സഞ്ചാരികള്‍ ഉള്‍പ്പെടെ സഞ്ചരിച്ചിരുന്ന വാഹനങ്ങള്‍ കല്ലെറിഞ്ഞ് സംഘപരിവാര്‍ ആക്രമിച്ച സംഭവം കേരളത്തിനാകെ നാണക്കേടുണ്ടാക്കി.കേരളത്തിന്‍റെ ടൂറിസം വ്യവസായം തന്നെ തകര്‍ക്കുകയാണ് ഇത്തരത്തിലുള്ള ഹര്‍ത്താലുകള്‍.

ഇതിനെതിരെ പ്രതിഷേധിച്ചുകൊണ്ട് സേവ് കേരള ടൂറിസം എന്ന മുദ്രാവാക്യവുമായി ടൂറിസം പ്രൊഫെഷണൽസ് ക്ലബ് ഇന്ന് (നവംബർ 20, ചൊവ്വാഴ്‌ച) വൈകിട്ട് 6 മണിക്ക് കത്തിച്ച മെഴുകുതിരികളുമായി മൗനജാഥയുടെ നടത്തുകയാണ്. എറണാകുളത്ത് മറൈൻ ഡ്രൈവ് മുതൽ രാജേന്ദ്ര മൈതാനം വരെയും തിരുവനന്തപുരത്ത് പാളയം മുതല്‍ സെക്രട്ടറിയേറ്റ് വരെയുമാണ് ജാഥ.