കോഴിക്കോട് ജില്ലയിലെ സ്കൂളുകള്‍ക്ക് നാളെ അവധി

കോഴിക്കോട്: കോഴിക്കോട് ജില്ലയിലെ സ്കൂളുകള്‍ക്ക് നാളെ അവധി പ്രഖ്യാപിച്ചു. 58ാമത് സംസ്ഥാന സ്കൂൾ കലോത്സവത്തിൽ കോഴിക്കോട് കിരീടം നേടിയതിന്‍റെ പശ്ചാത്തലത്തിലാണ് അവധി പ്രഖ്യാപിച്ചിരിക്കുന്നത്. കേരള സിലബസ് സ്കൂളുകള്‍ക്ക് മാത്രമേ അവധി ബാധകമാവുകയുള്ളൂ.

തുടര്‍ച്ചയായ പന്ത്രണ്ടാം തവണയാണ് കോഴിക്കോട് സംസ്ഥാന സ്കൂൾ കലോത്സവ കിരീടം ചൂടുന്നത്. 895 പോയിന്‍റ് സ്വന്തമാക്കിയാണ് കോഴിക്കോട് കിരീടം ചൂടിയത്. അടുത്ത കലോത്സവത്തിന് ആലപ്പുഴയാണ് വേദിയാകുക.