പത്താംക്ലാസ് വിദ്യാര്‍ഥിനി തൂങ്ങിമരിച്ചനിലയില്‍

മൊബൈല്‍ഫോണ്‍ ഉപയോഗിക്കരുതെന്ന് വീട്ടുകാര്‍ പറഞ്ഞതിന് പിന്നാലെ പത്താംക്ലാസ് വിദ്യാര്‍ഥിനിയെ തൂങ്ങിമരിച്ചനിലയില്‍ കണ്ടെത്തി. സി.ബി.ഹയര്‍സെക്കന്‍ഡറി സ്കൂളിലെ പത്താം ക്ലാസ് വിദ്യാര്‍ഥിനി വി.പി.അര്‍ച്ചന(16) ആണ് മരിച്ചത്.

പരീക്ഷയായതുകൊണ്ട് മൊബൈല്‍ ഫോണ്‍ ഉപയോഗിക്കരുതെന്ന വിലക്ക് പിതാവ് നല്‍കിയതിന് പിന്നാലെയാണ് ആത്മഹത്യ. ബുധനാഴ്ച രാത്രി പത്തുമണിയോടെയാണ് സംഭവം. വാതില്‍ തട്ടിയിട്ടും തുറക്കാത്തതിനെ തുടര്‍ന്ന് വീട്ടുകാര്‍ ബലം പ്രയോഗിച്ച്‌ തള്ളി തുറന്നപ്പോഴാണ് തൂങ്ങിമരിച്ചനിലയില്‍ കണ്ടെത്തിയത്. പരപ്പനങ്ങാടി പോലീസ് സ്ഥലത്തെത്തി ഇന്‍ക്വസ്റ്റ് നടത്തിയതിനു ശേഷം മൃതദേഹം പോസ്റ്റ് മോര്‍ട്ടത്തിനയച്ചു.