കണ്ണൂര്‍ സിറ്റിയില്‍ എസ്‍ഡിപിഐ പ്രവര്‍ത്തകന്‍ കുത്തേറ്റ് മരിച്ചു

കണ്ണൂര്‍: കണ്ണൂര്‍ സിറ്റിയില്‍ എസ്‍ഡിപിഐ പ്രവര്‍ത്തകന്‍ കുത്തേറ്റ് മരിച്ചു.അഴീക്കോട് നീര്‍ച്ചാല്‍ സ്വദേശിയായ എം ഫറൂഖ് ആണ് മരിച്ചത്. 45 വയസ്സായിരുന്നു. കണ്ണൂര്‍ സിറ്റി സ്വദേശി റൗഫ് എന്നയാളാണ് തന്നെ കുത്തിയത് എന്ന് ഫറൂഖ് പോലീസിന് മരണമൊഴി നല്‍കിയെന്നാണ് റിപ്പോര്‍ട്ട്. കുത്തേറ്റ ഉടനെ ഫറൂഖിനെ കണ്ണൂര്‍ എകെജി ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. പ്രാദേശിക പ്രശ്നങ്ങളാണ് കൊലക്ക് കാരണമെന്നാണ് പ്രാഥമിക നിഗമനം.

ഇന്ന് രാവിലെ 11 മണിയോടെയായിരുന്നു സംഭവം. സംഭവത്തിന് പിന്നില്‍ മുസ്ലീം ലീഗ് പ്രവര്‍ത്തകര്‍ ആണെന്ന് എസ്‍ഡിപിഐ ആരോപിച്ചു. ​ അതേ സമയം രാഷ്ട്രീയ കൊലപാതകമായി ഇതിനെ കണേണ്ടതില്ലെന്ന് പോലീസ് അറിയിച്ചു. കണ്ണൂരിലെ ബിജെപി പ്രവര്‍ത്തകന്‍റെ കൊലപാതകത്തെ തുടര്‍ന്ന് സംസ്ഥാന വ്യാപകമായി ഹര്‍ത്താല്‍ ആചരിക്കവെയാണ് സംഭവം.

SDPI worker stabbed to death at Kannur

Local rivalry led to the attack; not to be seen a political murder, says Police