സ്വാശ്രയ മെഡിക്കല്‍ പ്രവേശനം: അന്തിമ വിധി ഇന്ന്

തിരുവനന്തപുരം: സംസ്ഥാനത്തെ സ്വാശ്രയ മെഡിക്കല്‍ കോളേജ് പ്രവേശനം അനിശ്ചിതത്വത്തിലായ സാഹചര്യത്തില്‍ ഇന്നത്തെ കേരളാ ഹൈക്കോടതി വിധി നിര്‍ണായകം. സ്വാശ്രയ മെഡിക്കല്‍ പ്രവേശനത്തിനുള്ള ജസ്റ്റിസ് രാജേന്ദ്ര ബാബു കമ്മിറ്റി നിശ്ചയിച്ച അഞ്ചു ലക്ഷം രൂപ എന്ന ഫീസ് ചോദ്യം ചെയ്‍ത് മാനേജ്‍മെന്‍റുകള്‍ നല്‍കിയ ഹര്‍ജിയിലാണ് ഹൈക്കോടതി ഇന്ന് വിധി പറയുക.

മെഡിക്കല്‍ ഫീസിന്‍റെ കാര്യത്തില്‍ അന്തിമ തീരുമാനം കൈക്കൊള്ളാന്‍ നേരത്തേ സുപ്രീം കോടതി ഹൈക്കോടതിയോട് ആവശ്യപ്പെട്ടിരുന്നു. ഇതിന്‍റെ അടിസ്ഥാനത്തിലാണ് ഹര്‍ജികള്‍ തിങ്കളാഴ്‍ച പരിഗണിക്കുന്നത്. അതിനിടെ സംസ്ഥാന സര്‍ക്കാരിന്‍റെയും മാനേജ്‍മെന്‍റുകളുടെയും വിവിധ ഹര്‍ജികള്‍ തിങ്കളാഴ്‍ച സുപ്രീം കോടതിയുടെയും പരിഗണനയ്ക്ക് വന്നേക്കും.

സ്വാശ്രയ പ്രവേശനത്തിന് ഒരു അലോട്ട്മെന്‍റ് കൂടി ആവശ്യമാണ് എന്നാണ് സുപ്രീം കോടതിയിലെ ഹര്‍ജിയില്‍ സംസ്ഥാന സര്‍ക്കാര്‍ ആവശ്യപ്പെട്ടിരിക്കുന്നത്. സര്‍ക്കാരുമായുണ്ടാക്കിയ കരാറിലെ വ്യവസ്ഥകള്‍ റദ്ദാക്കിയതിനെതിരെയാണ് എംഇഎസ്, കാരക്കോണം സിഎസ്ഐ മെഡിക്കല്‍ കോളേജുകള്‍ സുപ്രീം കോടതിയെ സമീപിച്ചത്.

Self-financing medical admission: final verdict today

Kerala High Court will deliver its final verdict on Self-financing medical admission today.