ശ്രീജിത്തിൻ്റെ മരണം മേലുദ്യോഗസ്ഥരുടെ അറിവോടെയെന്ന് ആ‍ർടിഎഫ്

വരാപ്പുഴ: ശ്രീജിത്തിനെ കസ്റ്റഡിയിലെടുത്തത് മേലുദ്യോഗസ്ഥരുടെ അറിവോടെയാണെന്ന് ആ‍ർടിഎഫ് ഉദ്യോഗസ്ഥ‍ർ കോടതിയിൽ . ശ്രീജിത്തിനെ കസ്റ്റഡിയിലെടുത്ത് അഞ്ചുമിനിറ്റിനുള്ളിൽ ലോക്കൽ പൊലീസിനു കൈമാറിയിരുന്നുവെന്ന് ആർടിഎഫ് ഉദ്യോഗസ്ഥർ ചൂണ്ടിക്കാട്ടി.

ആർടിഎഫുകാർ ശ്രീജിത്തിന്റെ അടിവയറ്റിൽ കാൽമുട്ടുകൊണ്ട് ഇടിച്ചതിനു സാക്ഷികളുണ്ടെന്ന് ജാമ്യപേക്ഷയെ എതി‍ർത്ത സ‍ർക്കാ‍ർ കോടതിയിൽ ചൂണ്ടിക്കാട്ടി. ശ്രീജിത്തിനെ അറസ്റ്റ് ചെയ്യാൻ മേലുദ്യോഗസ്ഥർ ആരും ആർടിഎഫുകാരോടു നിർദ്ദേശിച്ചിട്ടില്ല. അടിവയറ്റിലുണ്ടായ പരുക്കുകളാണു ശ്രീജിത്തിന്റെ മരണത്തിനു കാരണമായത്. കേസ് ഡയറിയും മെഡിക്കൽ രേഖകളും ഹാജരാക്കാൻ കോടതി സർക്കാരിനു നിർദേശം നൽകി. പ്രതികളുടെ ജാമ്യാപേക്ഷ വിധി പറയാൻ മാറ്റി.