ലൈംഗിക സംതൃപ്തിയും അഴിമതിയായി കാണാമെന്ന് കമ്മീഷൻ

തിരുവനന്തപുരം: യുഡിഎഫ് നേതാക്കൾക്കെതിരെ കൂട്ട നടപടി സ്വീകരിച്ചതിന് പിന്നാലെ ലൈംഗിക സംതൃപ്തി നേടിയതും അഴിമതിയാണെന്ന് സോളാർ കമ്മീഷൻ. 2013 ജൂലൈ 19 ന് സരിത എസ് നായർ എഴുതിയ കത്തിൽ പേര് പരാമർശിച്ചിട്ടുള്ളവർക്കെതിരെയാണ് മന്ത്രിസഭ കേസെടുക്കാൻ തീരുമാനിച്ചത്. ഇന്ത്യൻ ശിക്ഷാ നിയമം അനുസരിച്ച് മാനഭംഗത്തിനും അഴിമതി നിരോധന നിയമ പ്രകാരം ലൈംഗിക സംതൃപ്തി നേടിയതിനെതിരെയും കേസെടുക്കാനാണ് ഇപ്പോൾ തീരുമാനിച്ചിരിക്കുന്നത്.

2013 ൽ പെരുമ്പാവൂർ പോലീസിന്‍റെ കസ്റ്റഡിയിലിരിക്കെയാണ് സരിത കത്തെഴുതിയത്. സരിതക്കെതിരെ ലൈംഗിക പീഡനവും മാനഭംഗവും നടന്നതായി മൊഴികളിലൂടെയും രേഖകളിലൂടെയും തെളിഞ്ഞതായി സർക്കാരിന് ലഭിച്ച നിയമോപദേശത്തിൽ വ്യക്തമായി. കൈക്കൂലി പണമായി സ്വീകരിച്ചതുകൂടാതെ, സരിതയിൽനിന്നു ലൈംഗിക സംതൃപ്തി നേടിയതിനെയും അഴിമതി നിരോധന നിയമത്തിന്‍റെ ഏഴാം വകുപ്പിന് കീഴിൽ വിശദീകരണ കുറിപ്പിനാൽ കൈക്കൂലിയായി കണക്കാക്കാമെന്നും കമ്മീഷൻ കണ്ടെത്തി.

Sexual satisfaction can also be part of 'corruption' says solar commission

Solar Commission says gaining sexual satisfaction is equivalent to gaining money as part of corruption.