പത്തനംതിട്ടയില്‍ എസ്എഫ്ഐ ജില്ലാ നേതാവിന് വെട്ടേറ്റു

പന്തളം: പത്തനംതിട്ടയില്‍ എസ്എഫ്ഐ ജില്ലാ നേതാവിന് നേരെ ആക്രമണം. എസ്എഫ്ഐയുടെ പത്തനംതിട്ട ജില്ലാ വൈസ് പ്രസിഡന്‍റ് വിഷ്ണു രമേശിന് നേരെയാണ് ഇന്നലെ രാത്രിയോടെ ആക്രമണമുണ്ടായത്. ആക്രമണത്തില്‍ വിഷ്ണുവിന് ഗുരുതരമായി വെട്ടേറ്റു.

പന്തളത്ത് വച്ച് മൂന്നംഗസംഘം വിഷ്ണുവിനെ തടഞ്ഞുനിര്‍ത്തി ആക്രമിക്കുകയായിരുന്നുവെന്ന് പൊലീസ് വ്യക്തമാക്കി. അക്രമികളുടെ വെട്ടേറ്റ വിഷ്ണുവിനെ ആശുപത്രിയില്‍ പ്രവേശിപ്പിച്ചിരിക്കുകയാണ്. പോലീസ് അന്വേഷണം ആരംഭിച്ചു. എസ്എഫ്ഐ പത്തനംതിട്ട ജില്ലാ വൈസ് പ്രസിഡന്‍റും പന്തളം ഏരിയാ സെക്രട്ടറിയും കൂടിയാണ് വിഷ്ണു രമേശ്.