പാലക്കാട് വിക്ടോറിയ: SFI മുഴുവന്‍ പാനല്‍ വനിത സ്ഥാനാര്‍ഥികള്‍

പാലക്കാട‌്: പ്രശസ്‍തമായ പാലക്കാട്‌ ഗവണ്മെന്‍റ്‍ വിക്‌ടോറിയ കോളേജ‌് യൂണിയന്‍ തെരഞ്ഞെടുപ്പില്‍ എല്ലാ ജനറല്‍ സീറ്റിലേക്കും വനിത സ്ഥാനാര്‍ഥികളെ മത്സരിപ്പിക്കാന്‍ ഇടതുവിദ്യാര്‍ഥി സംഘടന എസ‌്‌എഫ‌്‌ഐ തീരുമാനിച്ചു. കോളേജിന്‍റെ 130 വര്‍ഷത്തെ ചരിത്രത്തില്‍ ആദ്യമായാണ് മുഴുവന്‍ പാനലിലും വനിത സ്ഥാനാര്‍ഥികള്‍ മത്സരിക്കുന്നതെന്ന് എസ്‍എഫ്‍ഐ അവകാശപ്പെട്ടതായി ദേശാഭിമാനി റിപ്പോര്‍ട്ട് ചെയ്‍തു.

ഒന്‍പത് ജനറല്‍ സീറ്റുകളിലും ഡിഗ്രി, പിജി പ്രതിനിധികളായും മത്സരിക്കുന്ന എസ്‍എഫ്‍ഐ സ്ഥാനാര്‍ഥികള്‍ പെണ്‍കുട്ടികളാണ്. ശനിയാഴ്‍ച്ചയാണ് കോളേജിലെ തെരഞ്ഞെടുപ്പ്.

"1976ല്‍ ആണ് ഒരു വനിത അവസാനമായി വിക്ടോറിയ കോളേജില്‍ യൂണിയന്‍ ചെയര്‍പേഴ്ഡസണ്‍ ആയത്" കോളേജ് യൂണിയന്‍ ഭാരവാഹികള്‍ പറഞ്ഞതായി ദേശാഭിമാനി റിപ്പോര്‍ട്ട് ചെയ്‍തു.