തുലാഭാരത്തിനിടെ ത്രാസ് പൊട്ടി വീണു: തരൂരിന് പരിക്ക്

തിരുവനന്തപുരം: തുലാഭാരം നടത്തുന്നതിനിടെ ത്രാസ് പൊട്ടി വീണ് ശശി തരൂരിന് പരിക്ക്. തിരുവനന്തപുരം ഗാന്ധാരിയമ്മൻ കോവിലിൽ തുലാഭാരം നടത്തുന്നതിനിടെയാണ് ത്രാസ് പൊട്ടി വീണത്. ത്രാസ് പൊട്ടി വീണതിനെ തുടർന്ന് ശശി തരൂരിന്റെ തലയിൽ ആറ് സ്റ്റിച്ചിട്ടു. ഇന്ന് രാവിലെയാണ് ഗാന്ധാരിയമ്മൻ കോവിലിൽ ശശി തരൂർ തുലാഭാര നേർച്ച നടത്താൻ എത്തിയത്. അപകടശേഷം പ്രവർത്തകർ ശശി തരൂരിനെ തിരുവനന്തപുരം ജനറൽ ആശുപത്രിയിൽ എത്തിച്ചു.