ശശി തരൂര്‍ ഇനി കോണ്‍ഗ്രസ് ഐടി സെല്‍ ചെയര്‍മാന്‍

തിരുവനന്തപുരം: ശശി തരൂര്‍ എംപിയെ കേരളത്തിലെ കോണ്‍ഗ്രസിന്‍റെ ഐടി സെല്‍ ചെയര്‍മാനായി നിയമിച്ചു. കെപിസിസി പ്രസിഡണ്ട് മുല്ലപ്പള്ളി രാമചന്ദ്രനാണ് ഇക്കാര്യം പ്രഖ്യാപിച്ചത്.

വളരെ തിരക്കേറിയ സമയത്താണ് ഭാരിച്ച ചുമതല ലഭിച്ചിരിക്കുന്നതെന്ന് ശശി തരൂര്‍ ട്വിറ്ററില്‍ കുറിച്ചു.കോണ്‍ഗ്രസിന്‍റെ സന്ദേശം ജനങ്ങളിലെത്തിക്കുക എന്നത് വലിയ ഉത്തരവാദിത്തമാണെന്നും ഇത് വെല്ലുവിളിയായി ഏറ്റെടുക്കുന്നുവെന്നും ശശി തരൂര്‍ കൂട്ടിച്ചേര്‍ത്തു.