'വ്യക്തികളുടെ പ്രശ്നമല്ല, സംവിധാനത്തിന്റെ തന്നെ പോരായ്മ്മ'; യുഡിഎഫ് പ്രകടനത്തിൽ ആര്‍എസ്പിക്ക് കടുത്ത അതൃപ്തി

കൊല്ലം: തദ്ദേശ സ്വയംഭരണ തെരഞ്ഞെടുപ്പിൽ വലിയൊരു തോല്‍വിയല്ല ഉണ്ടായിരിക്കുന്നത്. പ്രതീക്ഷിച്ചതിന് അനുസരിച്ചുള്ള മുന്നേറ്റമുണ്ടായിട്ടില്ല എന്നത് സത്യമാണ്. ഇങ്ങനെ പോയാൽ പോരെന്ന് ആര്‍എസ്പി നേതാവ് ഷിബു ബേബി ജോണ്‍ പ്രതികരിച്ചു. ഏഷ്യാനെറ്റ് ന്യൂസിനോടാണ് പ്രതികരണമുണ്ടായത്.

Also Read : മഞ്ഞില്‍ ഇടിച്ച് കാര്‍ നിന്നു; പിന്നാലെ 15 കിമീ ട്രാഫിക് ബ്ലോക്ക്; 40 മണിക്കൂര്‍ കുടുങ്ങിയത് ആയിരങ്ങള്‍

തോൽവിയുടെ കാരണം ഒരു വ്യക്തി മാത്രമാണെന്ന് ആരോപിക്കില്ല. ഇതൊരു സംവിധാനത്തിന്റെ തന്നെ പോരായ്മ്മയാണ്. അതിൽ മുഖ്യ കക്ഷിയെന്ന നിലയിൽ കോണ്‍ഗ്രസ് പാര്‍ട്ടി ഇടപെട്ട് ചില കാര്യങ്ങള്‍ പരിഹരിക്കേണ്ടതുണ്ടെന്നും അദ്ദേഹം പറഞ്ഞു.

ഉമ്മൻ ചാണ്ടി ഒരു വ്യക്തി നേതൃനിരയിലേക്ക് വന്ന് പരിഹരിക്കാവുന്ന ഒരു വിഷയമല്ല ഇപ്പോഴുള്ളത്. ഇതൊരു സംവിധാനത്തിന്റെ തകര്‍ച്ചയാണ്. ആളുകളെ ഇതിന് ഉത്തരവാദിത്തപ്പെട്ടവരായിരിക്കണം. നേതാക്കളുടെയും ഭാരവാഹികളുടേയും എണ്ണം വര്‍ദ്ധിച്ചെങ്കിലും അവര്‍ ചുമതലകള്‍ നടപ്പിലാക്കുന്നുണ്ടോ എന്നാണ് പരിശോധിക്കേണ്ടെന്നും ഷിബു ബേബി ജോണ്‍ പറഞ്ഞു.

അവിടെ പലപ്പോഴും സീറ്റ് വിഭജനത്തിൽ തുടങ്ങി വ്യക്തി താത്പര്യങ്ങള്‍ അടക്കം എല്ലാം കൂട്ടിയതാണ് ഇത്തരത്തിൽ ഒരു പരാജയമുണ്ടാകുന്നത്. ജനങ്ങളെ നേരിട്ട് ബാധിക്കുന്ന വിഷയങ്ങള്‍ ഏറ്റെടുക്കുന്ന ചില കാര്യങ്ങളുണ്ട്.

എൽഡിഎഫ് എന്തൊക്കെ പറഞ്ഞ് അഹങ്കരിച്ചാലും അവരുടെ വോട്ട് കുറഞ്ഞിട്ടിണ്ട്. അതിൽ ഒരു സംശയവുമില്ല. പക്ഷെ യുഡിഎഫിന്റെ വിശ്വാസ്യത കൂടിയോ എന്നാണ് പരിശോധിക്കേണ്ടത് എന്നും ഷിബു ബേബി ജോണ്‍ തുറന്നടിച്ചു. ജനങ്ങളിലേക്ക് എത്തുന്ന നിലയിലുള്ള യാതൊരു പ്രവര്‍ത്തനവും നടക്കുന്നില്ലെന്നും അദ്ദേഹം ആരോപിച്ചു. തെരഞ്ഞെടുപ്പ് അടുത്ത സാഹചര്യത്തിൽ പരിശോധിച്ചാൽ പലയിടത്തും സ്ലിപ്പ് വിതരണം പോലും നടന്നിട്ടില്ലെന്നും അദ്ദേഹം പറഞ്ഞു.

Also Read : കൊവി‍ഡിന് പിന്നാലെ രാജ്യത്ത് മറ്റൊരു പകര്‍ച്ചവ്യാധികൂടി വ്യാപിക്കുന്നു: 44 പേര്‍ ആശുപത്രിയിൽ 9 മരണം

വെൽഫെയർ പാർട്ടിയുമായുള്ള ബന്ധം എന്ന നിസ്സാര വിഷയം ഇത്രയധികം വലുതാക്കിയത് യുഡിഎഫ് നേതാക്കള്‍ അല്ലെങ്കില്‍ കോണ്‍ഗ്രസ് നേതാക്കന്മാര്‍ തന്നെയാണ്. അങ്ങിനെയുള്ള തുടങ്ങിയുള്ള സംഭവവികാസങ്ങള്‍ ച‍ർച്ച ചെയ്തേ പറ്റു എന്നും ഷിബു ബേബി ജോണ്‍ ആരോപിച്ചു.