വിശ്വാസികളുടെ വികാരം കണക്കിലെടുത്ത് ആരാധനാലയങ്ങള്‍ തുറക്കണം: ഉമ്മന്‍ ചാണ്ടി

വിശ്വാസികളുടെ വികാരം കണക്കിലെടുത്ത് ആരാധനാലയങ്ങള്‍ തുറക്കണമെന്ന് മുന്‍ മുഖ്യമന്ത്രി ഉമ്മന്‍ ചാണ്ടി ആവശ്യപ്പെട്ടു. പ്രവാസികളെ മടക്കി എത്തിക്കുന്ന കാര്യത്തിലും കുട്ടികള്‍ക്ക് ഓണ്‍ലൈന്‍ ക്ലാസ് ഒരുക്കുന്ന കാര്യത്തിലും സര്‍ക്കാരിന്‍റെ മുന്നൊരുക്കങ്ങള്‍ പരാജയപ്പെട്ടു എന്ന് ഉമ്മന്‍ ചാണ്ടി പറഞ്ഞു.

Also Read: ആരാധനാലയങ്ങൾ തിങ്കളാഴ്‌ച മുതൽ തുറക്കും; നിയന്ത്രണങ്ങൾ വിശദീകരിച്ച് ചീഫ് സെക്രട്ടറി

മടങ്ങിവരാന്‍ ആഗ്രഹിക്കുന്ന മുഴുവന്‍ പ്രവാസികളെയും സമയബന്ധിതമായി തിരികെ കൊണ്ടുവരാന്‍ നടപടി സ്വീകരിക്കണമെന്നും അടിസ്ഥാനസൗകര്യം എല്ലാ വിദ്യാര്‍ത്ഥികള്‍ക്കും ഉറപ്പുവരുത്തിയിട്ടേ ഇനി ക്ലാസ് തുടങ്ങാവൂ എന്നും ഉമ്മന്‍ ചാണ്ടി പറഞ്ഞു.

Also Read: 'അമ്മ പേനയില്ല.. ചേന മതിയോ? ഓണ്‍ലൈന്‍ ക്ലാസ് അപാരത; ഇന്നലെ വൈറലായ പുതിയ ട്രോളുകള്‍ ഇങ്ങനെ

മദ്യം വിതരണം ചെയ്യാന്‍ സര്‍ക്കാര്‍ കാട്ടിയ ജാഗ്രതയും ഉത്സാഹവും പ്രവാസികളെ കൊണ്ടുവരാനും കുട്ടികള്‍ക്ക് ഓണ്‍ലൈന്‍ ക്ലാസ് ഒരുക്കുന്ന കാര്യത്തിലും സര്‍ക്കാര്‍ കാണിക്കണമായിരുന്നു. ദേവിക എന്ന 14കാരിയായ ദളിത് വിദ്യാര്‍ഥിനിയുടെ മരണത്തില്‍ നിന്ന് സര്‍ക്കാറിന് ഒഴിഞ്ഞ് മാറാന്‍ സാധിക്കില്ലെന്ന് ഉമ്മന്‍ ചാണ്ടി പറഞ്ഞു.