ഷുഹൈബ് വധം: മുൻ സിപിഎം ലോക്കൽ സെക്രട്ടറി അറസ്റ്റിൽ

കണ്ണൂർ: യൂത്ത് കോൺഗ്രസ് നേതാവായിരുന്ന ഷുഹൈബിൻെറ കൊലപാതക കേസിൽ മുൻ സിപിഎം ലോക്കൽ സെക്രട്ടറി അറസ്റ്റിൽ. എടയന്നൂർ ലോക്കൽ സെക്രട്ടറിയായിരുന്ന കെ.പി.പ്രശാന്താണ് അറസ്റ്റിലായത്.

മട്ടന്നൂർ പോലീസാണ് ഇദ്ദേഹത്തെ കസ്റ്റഡിയിൽ എടുത്തത്. കേസിലെ 16ാം പ്രതിയായ പ്രശാന്ത് കൊലപാതക സംഘത്തിന് കാർ വാടകയ്ക്ക് എടുത്തു കൊടുത്തുവെന്നതാണ് കുറ്റം. ഇയാൾക്ക് കൊലപാതകത്തിൻെറ ഗൂഡാലോചനയിൽ പങ്കുണ്ടെന്ന് പോലീസ് പറഞ്ഞു.