പത്തനംതിട്ട മൂഴിയാര്‍ ഡാമിന്‍റെ ഷട്ടറുകള്‍ തുറക്കും

പത്തനംതിട്ട: പത്തനംതിട്ട മൂഴിയാര്‍ ഡാമിന്‍റെ ഷട്ടറുകള്‍ തുറക്കുമെന്ന് ജില്ല കളക്ടര്‍ അറിയിച്ചു. മൂഴിയാര്‍ മുതല്‍ കക്കാട് വരെ കക്കട്ടാറിന്‍റെ തീരത്ത് താമസിക്കുന്നവര്‍ ജാഗ്രത പാലിക്കണം. ഫേസ്ബുക്കിലൂടെയാണ് അറിയിപ്പ്.

കക്കാട് പവര്‍ഹൗസില്‍ അറ്റകുറ്റപ്പണികള്‍ നടക്കുകയാണ്. രണ്ട് ജനറേറ്ററുകളുടെയും പ്രവര്‍ത്തനം നിര്‍ത്തിവയ്ക്കുകയാണ്. കക്കട്ടാറില്‍ ജലനിരപ്പ് ഉയരാന്‍ ഇത് കാരണമാകും. അധികജലം തുറന്നുവിടാന്‍ ആണ് തീരുമാനം.

നൂറ്റാണ്ടിലെ ഏറ്റവും വലിയ പ്രളയത്തില്‍ കേരളത്തില്‍ ഏറ്റവുമധികം നാശനഷ്‍ടം ഉണ്ടായ ജില്ലകളില്‍ ഒന്ന് പത്തനംതിട്ടയാണ്.