കൊച്ചി: സിസ്റ്റര് ലൂസി കളപ്പുരയ്ക്ക് വീണ്ടും സഭ കാരണം കാണിക്കല് നോട്ടീസ് നല്കി. സഭയില് പുറത്ത് പോകണമെന്നാവശ്യപ്പെട്ടാണ് നോട്ടീസ് അയച്ചിരിക്കുന്നത്. സ്വമേധയാ പുറത്ത് പോയില്ലെങ്കില് പുറത്താക്കുമെന്നാണ് നോട്ടീസില് പറയുന്നത്. ഫ്രാങ്കോ മുളയ്ക്കലിനെതിരായ കന്യാസ്ത്രീകളുടെ സമരത്തില് പങ്കെടുത്തതിന് പിന്നാലെയാണ് സിസ്റ്റര് ലൂസിക്കെതിരെ സഭ പ്രതികാര നടപടികള് തുടരുന്നത്.
സഭയില് നിന്ന് പുറത്ത് പോകണമെന്നതാണ് പുതിയ കത്തിലെ പ്രധാന ആവശ്യം. അല്ലെങ്കില് സഭയില് നിന്ന് പുറത്താക്കും. പുറത്ത് പോകുന്നില്ലെങ്കില് ഏപ്രില് 16ന് മുമ്പ് കാരണം അറിയിക്കണമെന്നും സഭ ആവശ്യപ്പെടുന്നു. അതേസമയം കന്യാസ്ത്രീയായി തുടരുമെന്ന് സിസ്റ്റര് ലൂസി കളപ്പുര വ്യക്തമാക്കി. സഭയുടെ നടപടി ഖേദകരമാണെന്നും ലൂസി കളപ്പുര പ്രതികരിച്ചു. നേരത്തേയും രണ്ട് തവണ സിസ്റ്റര് ലൂസിക്ക് സഭ കാരണം കാണിക്കല് നോട്ടീസ് നല്കിയിരുന്നു.