പ്രളയത്തിന് പിന്നാലെ ഭൂചലനമോ? തൃശൂര്‍ കുലുങ്ങിയതായി നാട്ടുകാര്‍

തൃശൂര്‍: പ്രളയത്തിന് പിന്നാലെ തൃശൂരില്‍ നേരിയ തോതില്‍ ഭൂചലനം രേഖപ്പെടുത്തി. രാത്രി 11.12ഓടെയാണ് ജില്ലയുടെ വിവിധയിടങ്ങളില്‍ ഭൂമികുലുക്കം അനുഭവപ്പെട്ടത്. അതേസമയം ഭൂമികുലുക്കത്തിന്‍റെ തീവ്രതയും പ്രവഭകേന്ദ്രവും വ്യക്തമായിട്ടില്ല.

തൃശൂർ നഗരത്തിൽ വിയ്യൂർ, ഒല്ലൂർ, പട്ടാളക്കുന്ന്, അയ്യന്തോൾ, കൂർക്കഞ്ചേരി, ചിയ്യാരം, ലാലൂർ, ചേറൂർ, പൂച്ചട്ടി, കണ്ണംകുളങ്ങര, വിജയമാത പള്ളി, അമ്മാടം, പെരിഞ്ചേരി, കോലഴി, മണ്ണുത്തി, ആശാരിക്കാട്, പാട്ടുരായ്ക്കൽ മേഖലകളിലാണ് അര്‍ധരാത്രിയോടെ നേരിയ തോതില്‍ ഭൂചലനം അനുഭവപ്പെട്ടത്. എന്നാല്‍ യാതൊരുവിധ നാശ നഷ്ടങ്ങളും റിപ്പോര്‍ട്ട് ചെയ്യപ്പെട്ടിട്ടില്ല.