വനിതാ മതിൽ വിജയിപ്പിക്കും: വെള്ളാപ്പള്ളി നടേശൻ

ആലപ്പുഴ: നവോത്ഥാന മൂല്യങ്ങൾ ഉയർത്തിപ്പിടിച്ച് വനിതാ മതിൽ വിജയിപ്പിക്കാൻ എല്ലാം ചെയ്യുമെന്ന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ. കേരളത്തെ ഭ്രാന്താലയമാക്കാൻ അനുവദിക്കില്ല. മൂല്യച്യുതി സംഭവിക്കുന്ന കാലമാണിത്.

നവോത്ഥാന മുന്നേറ്റത്തിനായി വനിതാ മതിൽ സംഘടിപ്പിക്കുന്നതിൽ എസ്.എൻ.ഡി.പി യോഗം മുന്നിൽ നിൽക്കുമെന്നും വെള്ളാപ്പള്ളി നടേശൻ പറഞ്ഞു. രാഷ്ട്രീയ വ്യത്യാസങ്ങൾ മാറ്റിവെച്ച് എല്ലാവരും വനിതാ മതിലിൽ പങ്കെടുക്കണം.

മുഖ്യമന്ത്രി പിണറായി വിജയൻെറ നേതൃത്വത്തിൽ വിളിച്ചു ചേർത്ത നവോത്ഥാന സംഘടനകളുടെ നേതൃത്വത്തിലുള്ള വനിതാ മതിലുമായി ബന്ധപ്പെട്ട വിഷയം ചർച്ച ചെയ്ത ശേഷം നിലപാട് വ്യക്തമാക്കുകയായിരുന്നു വെള്ളാപ്പള്ളി. സർക്കാരിനോട് നിരവധി കര്യങ്ങളിൽ അഭിപ്രായ വ്യത്യാസമുണ്ട്.

എന്നാൽ സാമൂഹ്യനീതിയുടെ കാര്യത്തിൽ സർക്കാരിനൊപ്പം നിൽക്കുമെന്നും വെള്ളാപ്പള്ളി നടേശൻ കൂട്ടിച്ചേർത്തു. ശബരിമല വിഷയത്തിൽ എസ്.എൻ.ഡി.പി ഭക്തർക്കൊപ്പമാണ്. കൂടുതൽ കാര്യങ്ങൾ കോടതി തീരുമാനിക്കട്ടെയെന്നും വെള്ളാപ്പള്ളി പറഞ്ഞു.