സോളാർ കേസ്: ഉമ്മൻ ചാണ്ടിയുടെ ഹർജിയിൽ വിധി ഇന്ന്

ബെംഗലൂരു: ബെംഗലൂരു വ്യവസായി എം.കെ.കുരുവിള നൽകിയ കേസിൽ നിന്ന് ഒഴിവാക്കണമെന്ന് ആവശ്യപ്പെട്ടുള്ള ഉമ്മൻ ചാണ്ടിയുടെ ഹർജിയിൽ ഇന്ന് വിധി വരും. സോളാർ അഴിമതിയുമായി ബന്ധപ്പെട്ടാണ് കുരുവിള കേസ് കൊടുത്തത്. ബെംഗലൂരു സിറ്റി സിവിൽ കോടതിയാണ് വിധി പറയുന്നത്. നാനൂറ് കോടിയുടെ സോളാർ പദ്ധതിയുടെ പേരിൽ ഉമ്മൻചാണ്ടിയുടെ ബന്ധുവുൾപ്പെടെയുളളവർ ഒന്നരക്കോടിയോളം രൂപ തട്ടിയെന്നാണ് കേസ്.

നേരത്തെ ഈ കേസിൽ ഉമ്മൻ ചാണ്ടിയുൾപ്പെടെയുളള പ്രതികൾ പിഴയടക്കണമെന്ന് കോടതി വിധിച്ചിരുന്നു. തന്‍റെ ഭാഗം കേൾക്കാതെയാണ് വിധിയെന്നും വീണ്ടും വാദം കേൾക്കണമെന്നുമുളള ഉമ്മൻ ചാണ്ടിയുടെ ആവശ്യം പിന്നീട് കോടതി അംഗീകരിച്ചു. ഇതിന്മേലാണ് ഇന്ന് വിധിയുണ്ടാവുക.

Soalr case: Verdict on Omman Chandy's plea today

Verdict on plea submitted by Oommen Chandy in case given M.K.Kuruvilla today.