സോളാർ കേസ്: എസ്‌പി അടക്കമുള്ളവർക്കെതിരെ നടപടി

തിരുവനന്തപുരം: സോളാർ കമ്മീഷൻ റിപ്പോർട്ട് പുറത്ത് വിട്ടതിന് പിന്നാലെ കൂടുതൽ ഉദ്യോഗസ്ഥരെ സർക്കാർ പുറത്താക്കുന്നു. അന്വേഷണത്തിൽ വീഴ്‌ച വരുത്തിയെന്ന് കണ്ടെത്തി ജി.അജിത്, റജി ജേക്കബ് എന്നീ എസ്‌പിമാരെ സ്ഥലം മാറ്റി.

സുദർശനൻ, ജയ്‌സൺ ജോസഫ് എന്നീ ഡിവൈഎസ്‌പിമാരെയും സിഐ ബി. റോയി, എസ്‌ഐ ബിജു ജോൺ ജേക്കബ് എന്നിവരെയും സ്ഥലം മാറ്റി. മുൻ മുഖ്യമന്ത്രി ഉമ്മൻ ചാണ്ടിയെ രക്ഷിക്കാൻ ശ്രമിച്ചെന്ന കുറ്റം ചുമത്തി അന്വേഷണ സംഘത്തിനെതിരെ സർക്കാർ നടപടിയെടുക്കും. ഐജി കെ.പത്മകുമാർ, ഡിവൈഎസ്പി കെ.ഹരികൃഷ്ണൻ എന്നിവർക്കെതിരെ തെളിവ് നശിപ്പിച്ചതിനു കേസെടുക്കും.

ക്രൈം ബ്രാഞ്ച് ഡിജിപി എ.ഹേമചന്ദ്രൻ, ഐജി കെ.പത്മകുമാർ എന്നിവരെയും സ്ഥലം മാറ്റി. പ്രതികളിൽ നിന്ന് പൊലീസ് അസോസിയേഷൻ മുൻ ഭാരവാഹി ജി.ആർ.അജിത് 20 ലക്ഷം രൂപ കൈക്കൂലി വാങ്ങിയെന്ന ആരോപണത്തിൽ വകുപ്പുതല നടപടിയെടുക്കും.

Solar case: Action against police including two SPs

For the faults in solar case investigation, Kerala government decided to take action against Kerala police officers