സോളാര്‍ റിപ്പോര്‍ട്ട് സരിതയെ സഹായിക്കാൻ: കെ സി ജോസഫ്

കോട്ടയം: സോളാര്‍ കമ്മീഷൻ റിപ്പോര്‍ട്ടിന് വിശ്വാസ്യതയില്ലെന്ന് കെ സി ജോസഫ് എംഎൽഎ. ഒരു റിട്ടയേ‍ഡ് ജഡ്ജിയുടെ മാന്യതയ്ക്കു ചേരാത്തതാണ് സോളാര്‍ കമ്മീഷന്‍റെ നടപടിയെന്ന് കെ സി ജോസഫ് ആരോപിച്ചു.

കേസിൽ പ്രതിയായ സ്ത്രീയുടെ സൗന്ദര്യം പോലും റിപ്പോര്‍ട്ടിൽ വര്‍ണ്ണിച്ചിട്ടുണ്ട്. 32 ക്രിമിനൽ കേസിൽ പ്രതിയായ വ്യക്തിയെ സഹായിക്കാനാണ് റിപ്പോര്‍ട്ട് തയ്യാറാക്കിയിരിക്കുന്നത്. വിഷയത്തിൽ നിയമവിദഗ്ധരുമായി കൂടിയാലോചിച്ച് മുന്നോട്ടു പോകുമെന്നും കെ സി ജോസഫ് പറഞ്ഞു.