മുന്‍ വിവരാവകാശ കമ്മീഷണര്‍ സോണി ബി തെങ്ങമം അന്തരിച്ചു

കൊല്ലം: മുന്‍ വിവരാവകാശ കമ്മീഷണര്‍ സോണി ബി തെങ്ങമം അന്തരിച്ചു. 55 വയസ്സായിരുന്നു. തലച്ചോറില്‍ നിന്നും സന്ദേശങ്ങള്‍ കാലിലേക്ക് എത്താതിരിക്കുന്ന മള്‍ട്ടിപ്പിള്‍ സ്‌കിലേറിസിസ് എന്ന അപൂര്‍വരോഗം ബാധിച്ച് പത്തനാപുരം ഗാന്ധിഭവനില്‍ ചികിത്സയിലായിരുന്നു അദ്ദേഹം. ചലനശേഷിയും ഓര്‍മശക്തിയും നഷ്ടപ്പെട്ടിരുന്നു. വഞ്ചിയൂര്‍ കോടതിയിലെ ഹെഡ്ക്ലാര്‍ക്ക് അഡ്വക്കേറ്റ് ഷീജയാണ് ഭാര്യ. ഏകമകളായ അപര്‍ണക്ക് മൂന്ന് വയസ്സാണ്.

സിപിഐ മുന്‍ എംഎല്‍എ തെങ്ങമം ബാലകൃഷ്ണന്റെ മകനാണ് സോണി. എ.ഐ.എസ്.എഫ് ദേശീയ ജനറല്‍ സെക്രട്ടറി, സി.പി.ഐ കൊല്ലം ജില്ലാസെക്രട്ടറി, സംസ്ഥാനസമിതിയംഗം എന്നീ സ്ഥാനങ്ങള്‍ വഹിച്ചിട്ടുണ്ട്. സിപിഐ ദേശീയ സെക്രട്ടറിയായിരുന്ന എ ബി ബര്‍ദന്റെ സെക്രട്ടറിയായും പ്രവര്‍ത്തിച്ചിട്ടുണ്ട്.