സൗമ്യ കേസ്: തിരുത്തൽ ഹർജി സുപ്രീം കോടതി തള്ളി

ന്യൂഡൽഹി: സൗമ്യ വധക്കേസിൽ സംസ്ഥാന സര്‍ക്കാർ സുപ്രീം കോടതിയിൽ സമർപ്പിച്ച തിരുത്തൽ ഹർജി തള്ളി. ആറ് ജഡ്ജിമാർ തിരുത്തൽ ഹർജി തള്ളുന്നതിന് ഒന്നിച്ചു തീരുമാനം എടുക്കുകയായിരുന്നു. സുപ്രീം കോടതി കേസ് പരിഗണിക്കുമ്പോൾ ചില വസ്തുതകൾ പഠിച്ചിരുന്നില്ല എന്നും അവ ഒന്ന് കൂടി പരിശോധിക്കണമെന്നും സർക്കാർ തിരുത്തൽ ഹർജിയിൽ പറഞ്ഞിരുന്നു.

നേരത്തെ വിധി പറഞ്ഞ ജഡ്ജിമാർ തന്നെയാണ് തിരുത്തൽ ഹർജിയും പരിഗണിക്കുക. ആ ബെഞ്ചിലേക്ക് മൂന്ന് മുതിർന്ന ജഡ്‌ജിമാർ കൂടി വരും.തുറന്ന കോടതിയിലാണ് കഴിഞ്ഞ തവണ സൗമ്യ കേസിന്‍റെ വിചാരണ നടന്നത്. എന്നാൽ തിരുത്തൽ ഹർജി ജഡ്‌ജിയുടെ ചേമ്പറിലാണ് പരിഗണിച്ചത്. സാധാരണ തിരുത്തൽ ഹർജികൾ കോടതി അംഗീകരിക്കാറില്ല എന്ന് നേരത്തെ തന്നെ നിയമദഗ്ദ്ധർ ചൂണ്ടി കാട്ടിയിരുന്നു.

Soumya case: Supreme court rejected curative petition