വിധിപകര്‍പ്പ് പുറത്ത് വന്നപ്പോള്‍ ഗോവിന്ദചാമിക്ക് ജീവപര്യന്തം

ന്യൂഡല്‍ഹി: സൗമ്യ വധക്കേസില്‍ പ്രതി ഗോവിന്ദ ഗോവിന്ദചാമിക്ക് ജീവപര്യന്തം ശിക്ഷ ലഭിക്കും. പൂര്‍ണ ഉത്തരവ് പുറത്ത് വന്നപ്പോഴാണ് ഇക്കാര്യം വ്യക്തമായത്. കൊലപാതകക്കുറ്റത്തിന് ഹൈക്കോടതി നല്‍കിയ വധശിക്ഷ തെളിവില്ലെന്നു കാട്ടി സുപ്രിം കോടതി ഇളവുനല്‍കിയെങ്കിലും ബലാത്സംഗത്തിനു നല്‍കിയ ശിക്ഷയില്‍ ഇടപെടുന്നില്ലെന്നു വിധിപ്പകര്‍പ്പില്‍ പറയുന്നു. രഞ്ജന്‍ ഗൊഗോയ് അധ്യക്ഷനായ മൂന്നംഗ ബഞ്ചിന്റേതാണ് വിധി.

ബലാത്സംഗ കുറ്റത്തിന് ജീവപര്യന്തം ശിക്ഷയാണ് ഗോവിന്ദചാമിക്ക് വിധിച്ചിരിക്കുന്നത്. നേരത്തെ ഇക്കാര്യത്തില്‍ ഏഴ് വര്‍ഷം കഠിന തടവാണ് ഗോവിന്ദചാമിക്ക് വിധിച്ചതെന്നാണ് മാധ്യമങ്ങള്‍ റിപ്പോര്‍ട്ട് ചെയ്തത്. വിധിപകര്‍പ്പിന്റെ അവസാന ഭാഗം മാത്രം ജഡ്ജി വായിച്ചതാണ് മാധ്യമങ്ങള്‍ തെറ്റായി റിപ്പോര്‍ട്ട് ചെയ്യാന്‍ ഇടയാക്കിയത്. കൊലപാതക്കുറ്റത്തില്‍ മാത്രമാണ് ഇടപെടുന്നതെന്നും ബലാത്സംഗക്കുറ്റത്തില്‍ ഇടപെടുന്നില്ലെന്നും സുപ്രിം കോടതി വ്യക്തമാക്കുകയായിരുന്നു.