കാലവര്‍ഷം കേരളത്തിലെത്തിലെത്തി

ന്യൂഡൽഹി: കേരളത്തിൽ കാലവർഷം എത്തിയതായി കാലാവസ്ഥാ നീരീക്ഷണവകുപ്പ് (ഐഎംഡി). കാലവർഷം കേരളത്തിലെത്തിയതായി സ്വകാര്യഏജൻസിയായ സ്കൈമെറ്റ് ഇന്നലെ അറിയിച്ചിരുന്നു.

നിലവിൽ കേരളത്തിൽ കാലവര്‍ഷത്തിനു സമാനമായ കാലാവസ്ഥയാണുള്ളതെന്നും അതുകൊണ്ടുതന്നെ മഴക്കാലമെത്തിയെന്ന സൂചനയാണെന്നും സ്കൈമെറ്റ് സിഇഓ ജതിൻ സിങ് പറഞ്ഞു. കാലവര്‍ഷം മെയ് 29ന് എത്തുമെന്നായിരുന്നു ഐഎംഡി പ്രവചനം. മെയ് 28ന് കാലവര്‍ഷം എത്തുമെന്ന് സ്കൈമെറ്റും പ്രവചിച്ചിരുന്നു.

തെക്കുപടിഞ്ഞാറൻ മൺസൂണിന് അനുകൂലസാഹചര്യമാണുള്ളതെന്നും ശക്തമായ കാറ്റിനും മഴയ്ക്കും സാധ്യതയുള്ളതായും ഐഎംഡി അറിയിച്ചു.