മുഖ്യമന്ത്രിയുടെ 'വാടക' പരാമർശം നീക്കില്ലെന്ന് സ്‌പീക്കർ

തിരുവനന്തപുരം: നിയമസഭയിൽ മുഖ്യമന്ത്രി നടത്തിയ 'വാടക' പരാമർശം നീക്കില്ലെന്ന് സ്‌പീക്കർ ശ്രീരാമ കൃഷ്ണൻ. രാഷ്ട്രീയ അഭിപ്രായ പ്രകടനം നീക്കം ചെയ്യുന്ന കീഴ്വഴക്കം ഇല്ലെന്ന് സ്‌പീക്കർ റൂളിങ് നൽകി.

പ്രതിപക്ഷ നേതാവിന്‍റെ പരാമര്‍ശം തെറ്റായ സന്ദേശം നല്‍കുന്നതും മറ്റു രീതികളില്‍ വ്യാഖ്യാനിക്കപ്പെടാന്‍ സാധ്യതയുള്ളതുമായിരുന്നു. ഈ കാരണങ്ങളാലാണ് അത് നീക്കം ചെയ്തതെന്നും സ്‍പീക്കര്‍ വ്യക്തമാക്കി. രാഷ്ട്രീയ ആരോപണം സംശയരൂപേണ ഉന്നയിക്കുകയാണ് മുഖ്യമന്ത്രി ചെയ്തത്.

കൊച്ചിയിൽ സദാചാര ഗുണ്ടായിസം നടത്തിയ ശിവസേനക്കാരെ പ്രതിപക്ഷം വാടകക്കെടുത്തതാണോ എന്ന് സംശയിക്കേണ്ടിയിരിക്കുന്നു എന്നാണ് മുഖ്യമന്ത്രി പ്രസ്താവിച്ചത്. പരാമർശം സഭാരേഖകളിൽ നിന്ന് നീക്കണമെന്ന് ആവശ്യപ്പെട്ട് പ്രതിപക്ഷം സഭ സ്‌തംഭിപ്പിച്ചിരുന്നു.

Speaker gave ruling on cheif minister's attribute

Speaker Sreeramakrishnan gave the ruling that Chief Minister has not said anything unparliamentary in Kerala Assembly.