കണ്ണടവിവാദം; പിശകു പറ്റിയെന്ന് സമ്മതിച്ച് സ്പീക്കർ

തിരുവനന്തപുരം:കണ്ണട വിവാദവുമായി ബന്ധപ്പെട്ട് വിശദീകരവുമായി നിയമസഭാ സ്പീക്കര്‍ പി.ശ്രീരാമകൃഷ്ണന്‍. ചില പ്രത്യേക കാഴ്ചാ പ്രശ്നമുള്ളതിനാല്‍ ഡോക്ടര്‍ നിര്‍ദേശിച്ച കണ്ണടയാണ് വാങ്ങിയത്. അത് വിവാദമുണ്ടാക്കുമെന്ന് കരുതിയില്ലെന്നും കണ്ണട വാങ്ങുന്നതുമായി ബന്ധപ്പെട്ട് സൂക്ഷ്മ പരിശോധന നടത്താത്തതില്‍ പിശക് സംഭവിച്ചുവെന്നും സ്പീക്കര്‍ ചൂണ്ടിക്കാട്ടി. ഫെയ്സ്ബുക്ക് പോസ്റ്റിലൂടെയാണ് സ്പീക്കര്‍ ഇക്കാര്യം വ്യക്തമാക്കിയിരിക്കുന്നത്.


നാലു പതിറ്റാണ്ടുകാലത്തെ ഒരു വ്യക്തിയുടെ പൊതു ജീവിതത്തിന്റെ അളവുകോലായി ഈ ഒരൊറ്റ സംഭവം മാത്രമെടുക്കുന്നതിലെ യുക്തിരാഹിത്യം ചര്‍ച്ച ചെയ്യപ്പെടണമെന്നും അദ്ദഹം കുറിപ്പിൽ കൂട്ടിച്ചേർത്തിട്ടുണ്ട്. കഠിനാനുഭവങ്ങളിലൂടെ കടന്നു പോകു മ്പോഴാണ് ജീവിതം മൂശയിലിട്ടു വാർത്തതു പോലെ തെളിച്ചമാർന്നതാവുക. അത്തരമൊരനുഭവമാണ് എന്റെ പൊതുജീവിതത്തിൽ സംഭവിച്ചു കൊണ്ടിരിക്കുന്നതെന്നും അദ്ദേഹം പറയുന്നു.