ചെന്നൈയ്ക്ക് തെക്കൻ കേരളത്തിൽ നിന്ന് പുതിയ ട്രെയിൻ

കൊല്ലം: തെക്കൻ കേരളത്തിൽ നിന്നു ചെന്നൈയിലേക്കുള്ള യാത്രയ്ക്ക് ഏപ്രിൽ ഒൻപതു മുതൽ പുതിയ ട്രെയിൻ. താംബരം– കൊല്ലം സ്പെഷൽ ഫെയർ സ്പെഷൽ ബൈ വീക്ക്‌ലി എക്സപ്രസ് ഇന്നു മുതല്‍ സര്‍വ്വീസ് ആരംഭിക്കും.ബ്രോഡ്ഗേജ് പാതയായി ഉയർത്തിയ ചെങ്കോട്ട– കൊല്ലം പാത വഴിയാണ് ട്രെയിന്‍ സര്‍വ്വീസ് നടത്തുക

തിങ്കള്‍ ,ബുധന്‍ ദിവസങ്ങളില്‍ താംബരത്തു നിന്നും ചൊവ്വ വ്യാഴം ദിവസങ്ങളില്‍ കൊല്ലത്തു നിന്നുമാണ് ട്രെയിന്‍ പുറപ്പെടുക. മൂന്നു മാസത്തേക്കു സ്പെഷൽ ട്രെയിനായാണു താംബരം–കൊല്ലം എക്സ്പ്രസ് അനുവദിച്ചിരിക്കുന്നത്.

ജൂൺ വരെയുള്ള ഷെഡ്യൂളിലാണ് ഉൾപ്പെടുത്തിയിരിക്കുന്നത്. ഇതിനു ശേഷം ഇതു സാധാരണ സര്‍വീസായി തുടരുമെന്നാണ് അധികൃതർ നൽകുന്ന വിവരം.തിങ്കൾ, ബുധൻ ദിവസങ്ങളിൽ വൈകിട്ട് 5.30നു താംബരത്തു നിന്നു പുറപ്പെടുന്ന ട്രെയിൻ പിറ്റേന്ന് രാവിലെ 10.30 ന് കൊല്ലത്തെത്തും