ശശി തരൂരിന് പറ്റിയ അക്ഷരത്തെറ്റ് ആഘോഷമാക്കി ട്വിറ്റർ

ന്യൂഡൽഹി: ശശി തരൂർ എംപിയുടെ ഇംഗ്ലീഷ് പദപ്രയോഗങ്ങൾ എന്നും ചർച്ച വിഷയമായിട്ടുളളവയാണ്. അദ്ദേഹം ഉപയോഗിക്കുന്ന വാക്കുകളെ കുറിച്ച് സാമൂഹ്യമാധ്യമങ്ങളിൽ വലിയ ചർച്ചയാണ് നടക്കാറുള്ളത്. തരൂർ ഉപയോഗിക്കുന്ന വലിയ വാക്കുകളും അവയുടെ അർഥവുമാണ് എപ്പോഴും ചർച്ചയാകുന്നതെങ്കിൽ ഇത്തവണ അദ്ദേഹത്തിന് സംഭവിച്ച അക്ഷരത്തെറ്റാണ് ചർച്ചയായിരിക്കുന്നത്.

ചിലർ സൗകര്യപൂർവം തരൂരിനെ കളിയാക്കാനും മറന്നില്ല.എംഇഎസ് കോളജ് പൂർവ്വവിദ്യാർത്ഥികളുടെ യുഎഇയിൽ നടത്തിയ സമ്മേളനത്തിൽ പങ്കെടുത്തതിനെ കുറിച്ച് തരൂർ ട്വീറ്റ് ചെയ്തതിലാണ് അക്ഷരതെറ്റ് കടന്നു കൂടിയത്. 'Innovation' എന്ന വാക്കിന് പകരം 'Innivation' എന്നാണ് തരൂർ ഫോട്ടോക്കൊപ്പം ട്വീറ്റ് ചെയ്തത്. ഈ തെറ്റ് ചൂണ്ടിക്കാട്ടി നിരവധി പേർ ട്രോളുമായി രംഗത്തെത്തി. ഒടുവിൽ തരൂർ തന്നെ തനിക്ക് തെറ്റ് പറ്റിയെന്ന് സമ്മതിച്ച് ട്വീറ്റ് ചെയ്തു.