എസ് എസ് എല്‍ സി പരീക്ഷ മാര്‍ച്ച്‌ രണ്ടാം വാരം മുതല്‍

തിരുവനന്തപുരം: എസ് എസ് എല്‍ സി പരീക്ഷയുടെ തീയതി മാര്‍ച്ച്‌ 13മുതല്‍ 23വരെ നീട്ടി. മാര്‍ച്ച്‌ ആദ്യവാരം നടത്താന്‍ തീരുമാനിച്ച പരീക്ഷയാണ്‌ ഒരാഴ്ച കൂടി നീട്ടിയത്.

പാഠ ഭാഗങ്ങള്‍ പഠിപ്പിച്ചു തീര്‍ക്കാന്‍ വേണ്ടത്ര അധ്യയന ദിവസങ്ങള്‍ ഇക്കുറി ലഭിക്കാത്തതാണ് പരീക്ഷ നീട്ടി വയ്ക്കാന്‍ കാരണം. കാലവര്‍ഷക്കെടുതി, നിപ്പ ബാധ തുടങ്ങിയവ മൂലം നിരവധി ദിവസങ്ങള്‍ വിദ്യാഭ്യാസ സ്ഥാപനങ്ങള്‍ അടച്ചിടേണ്ടി വന്നതാണ് കാരണം.

പരീക്ഷ ഏപ്രിലില്‍ നടത്താന്‍ ആലോചന നടന്നിരുന്നു. എന്നാല്‍ ഇതിനായുള്ള നിര്‍ദേശം ഇന്ന് ചേര്‍ന്ന് ക്യുഐപി യോഗം അംഗീകരിച്ചില്ല. അതിനെതുടര്‍ന്നാണ് പരീക്ഷാ തീയതി ഒരാഴ്ചത്തേക്ക് നീട്ടിയത്.