എസ്‌എസ്‌എല്‍സി കണക്ക് പരീക്ഷ റദ്ദാക്കി; വ്യാഴാഴ്ച വീണ്ടും പരീക്ഷ

തിരുവനന്തപുരം: എസ്എസ്എൽസി കണക്ക് പരീക്ഷ റദ്ദാക്കി. ഈ മാസം 30 ന് വീണ്ടും പരീക്ഷ നടത്തുമെന്നും വിദ്യാഭ്യാസ മന്ത്രി സി. രവീന്ദ്രനാഥ് അറിയിച്ചു. വരുന്ന വ്യാഴാഴ്ച ഉച്ച് 1.30 നാണ് പരീക്ഷ. ചോദ്യപേപ്പറുമായി ബന്ധപ്പെട്ട പരാതിയെ തുടർന്നാണ് പരീക്ഷ റദ്ദാക്കിയത്.

കണക്ക് പരീക്ഷയുടെ ചോദ്യപേപ്പർ സംബന്ധിച്ച ആക്ഷേപം പരിശോധിക്കാൻ വിദ്യാഭ്യാസമന്ത്രി വിളിച്ചു ചേർത്ത യോഗത്തിലാണ് പരീക്ഷ വീണ്ടും നടത്താൻ തീരുമാനമായത്. എന്നാൽ വാഹന പണിമുടക്ക് പ്രഖ്യാപിച്ചിട്ടുള്ളതിനാൽ‌ വിദ്യാർഥികളെ ഇത് ബാധിക്കുമെന്ന് ആശങ്കയുണ്ട്.


SSLC maths examination quashed, re-examination on March 30