കോഴിക്കോട് ഹോട്ടലുകളിൽ നിന്ന് പഴകിയ ഭക്ഷണം പിടിച്ചു

കോഴിക്കോട്: അഴിയൂരില്‍ ഭക്ഷ്യവകുപ്പ് ഉദ്യോഗസ്ഥര്‍ നടത്തിയ ഹോട്ടൽ പരിശോധനയില്‍ പഴകിയ ഭക്ഷണം പിടിച്ചെടുത്തു. പിടിച്ചെടുത്ത ഭക്ഷണം നശിപ്പിച്ചു കളഞ്ഞു.ഒമ്പത് ഹോട്ടലുകള്‍ക്ക് ഉദ്യോഗസ്ഥർ നോട്ടീസ് നല്‍കി.

പഴകിയ ഭക്ഷണം കണ്ടെത്തിയ ഹോട്ടലുകളിൽ നിന്നും 5000 രൂപ പിഴ ഈടാക്കി. ആറ് ഹോട്ടലുകളില്‍ നിന്ന് പഴകിയ ചിക്കന്‍, പൊറോട്ട, ചപ്പാത്തി, ചില്ലി ചിക്കന്‍, ചില്ലി റോസ് എന്നീ ഭക്ഷണ സാധനങ്ങളാണ് പിടിച്ചെടുത്ത് നശിപ്പിച്ചത്.

കഴിഞ്ഞ ദിവസം ദിലീപിന്റെ ഉടമസ്ഥതയിലുള്ള ഹോട്ടലിൽ നിന്ന് പഴകിയ
ഭക്ഷണവും ഐസ്‌ക്രീമും പിടിച്ചെടുത്തിരുന്നു. നോമ്പ് കാലമായതിനാല്‍ വൈകുന്നേരങ്ങളിലും തുടര്‍ പരിശോധന നടത്തും. പരിശോധനക്ക് പഞ്ചായത്ത് സെക്രട്ടറി, ഹെല്‍ത്ത് ഇന്‍സ്‌പെക്ടര്‍ എന്നിവർ നേതൃത്വം നൽകി.