തിരുവനന്തപുരം: കേന്ദ്ര മോട്ടോര് വാഹന നിയമപ്രകാരം ഗതാഗത നിയമലംഘനങ്ങള്ക്കുള്ള ഉയര്ത്തിയ പിഴത്തുക കുറയ്ക്കാന് സര്ക്കാര് തീരുമാനം. സംസ്ഥാനത്തിനു നിയമപരമായി കുറയ്ക്കാന് കഴിയുന്ന പിഴ കുറയ്ക്കാനാണ് തീരുമാനിച്ചത്. മുഖ്യമന്ത്രി വിളിച്ചുചേര്ത്ത ഉന്നതതല യോഗത്തിന്റേതാണ് തീരുമാനം. ഏതൊക്കെ തരത്തിലുള്ള പിഴയാണ് കുറയ്ക്കുകയെന്ന പിഴത്തുക എത്രയായി കുറയ്ക്കുമെന്നുമുള്ള കാര്യത്തില് തീരുമാനമായില്ല. പിഴ തുക എത്രയായി കുറയ്ക്കാം എന്നത് സംബന്ധിച്ച് റിപ്പോര്ട്ട് തയ്യാറാക്കാന് ഗതാഗത സെക്രട്ടറിയെ ചുമതലപ്പെടുത്തി. ഹെല്മറ്റ്, സീറ്റ് ബെല്റ്റ് തുടങ്ങിയ പിഴകളില് കേന്ദ്രം നിശ്ചയിച്ച പിഴത്തുക കുറയ്ക്കാന് സംസ്ഥാനത്തിന് കഴിയില്ലെന്നാണ് ലഭിച്ച നിയമോപദേശം.
പിഴ കുറയ്ക്കണമെന്ന് ആവശ്യപ്പെട്ട് സംസ്ഥാനം അയച്ച കത്തിന് ഇതുവരെ മറുപടി ലഭിച്ചിട്ടില്ല. ഗതാഗത നിയമലംഘനങ്ങള്ക്കുള്ള പിഴ പത്തിരട്ടിയോളെ കൂട്ടിയ നിയമഭേദഗതി വന്ന ഉടന് കേരളം വിജ്ഞാപനം പുറത്തിറക്കിയിരുന്നു.
പിഴ കുറയ്ക്കണമെന്ന് ആവശ്യപ്പെട്ട് സംസ്ഥാനം അയച്ച കത്തിന് ഇതുവരെ മറുപടി ലഭിച്ചിട്ടില്ല. ഗതാഗത നിയമലംഘനങ്ങള്ക്കുള്ള പിഴ പത്തിരട്ടിയോളെ കൂട്ടിയ നിയമഭേദഗതി വന്ന ഉടന് കേരളം വിജ്ഞാപനം പുറത്തിറക്കിയിരുന്നു.