ഓഖി: സര്‍ക്കാര്‍ പൂര്‍ണപരാജയമെന്ന് ചെന്നിത്തല

തൃശ്ശൂര്‍: ഓഖി ചുഴലിക്കാറ്റിനെത്തുടര്‍ന്നുണ്ടായ ദുരന്തം നേരിടുന്നതിൽ സംസ്ഥാനസര്‍ക്കാര്‍ പൂര്‍ണപരാജയമെന്ന് പ്രതിപക്ഷനേതാവ് രമേശ് ചെന്നിത്തല ആരോപിച്ചു.

തീരദേശ പോലീസിന്‍റെ പ്രവര്‍ത്തനം കാര്യക്ഷമമല്ലെന്നും അപകടത്തിൽപ്പെട്ടവരുടെ ബന്ധുക്കളും സുഹൃത്തുക്കളും രക്ഷാപ്രവര്‍ത്തനത്തിന് ഇറങ്ങുന്നത് ആശങ്ക മൂലമാണെന്നും രമേശ് ചെന്നിത്തല പറഞ്ഞു. റവന്യൂ വകുപ്പും മുഖ്യമന്ത്രിയും തമ്മിലുള്ള ശീതയുദ്ധം രക്ഷാപ്രവര്‍ത്തനത്തെ ബാധിക്കുന്നുണ്ടെന്നും തലസ്ഥാനത്തുണ്ടായിട്ടും മുഖ്യമന്ത്രി ദുരിതബാധിതസ്ഥലം സന്ദര്‍ശിച്ചില്ലെന്നും ചെന്നിത്തല ആരോപിച്ചു. മുഖ്യമന്ത്രി ഉടൻ സര്‍വകക്ഷിയോഗം വിളിക്കണമെന്നും ചെന്നിത്തല ആവശ്യപ്പെട്ടു.