ദുരിതാശ്വാസ പ്രവർത്തനങ്ങൾ ഏകോപിപ്പിയ്ക്കാന്‍ പുതിയ വെബ്സൈറ്റ്

തിരുവനന്തപുരം: സംസ്ഥാനത്തെ പ്രളയബാധിത പ്രദേശങ്ങളിലെ ദുരിതാശ്വാസ പ്രവര്‍ത്തനങ്ങള്‍ ഏകോപിപ്പിക്കുന്നതിനായി പുതിയ വെബ്സൈറ്റ് തുറന്നു. സംസ്ഥാന സര്‍ക്കാരും സംസ്ഥാന ഐടി മിഷനും സംയുക്തമായാണ് പുതിയ ഉദ്യമത്തിന് നേതൃത്വം നല്‍കുന്നത്. ദുരിതബാധിത പ്രദേശങ്ങളിലെ ഉദ്യോഗസ്ഥര്‍, സര്‍ക്കാര്‍ പ്രതിനിധികള്‍, വളണ്ടിയര്‍മാര്‍, പൊതുജനങ്ങള്‍ എന്നിവരുമായുള്ള ആശയവിനിമയം കാര്യക്ഷമമാക്കുന്നതിനായാണ് പുതിയ വെബ്സൈറ്റ് തുറന്നിരിക്കുന്നത്.

ദുരിതത്തില്‍ പെട്ടവര്‍ക്ക് സഹായം അഭ്യർത്ഥിയ്‌ക്കാനും ഓരോ ജില്ലകളിലെയും ആവശ്യങ്ങൾ കൃത്യമായി അറിയാനും വെബ്സൈറ്റ് ഉപകാരപ്പെടും. ഇതോടൊപ്പം ദുരിതാശ്വാസ നിധിയിലേക്ക് സംഭാവനകൾ നൽകാനും വളണ്ടിയർ ആകാനുമെല്ലാം ഈ വെബ്സൈറ്റ് സൗകര്യം ഉപയോഗപ്പെടുത്താം.

വിവിധ കേന്ദ്രങ്ങളെ ബന്ധപ്പെടാനും ഇതുവരെ വിവിധ ജില്ലകളില്‍ നിന്നും വന്ന അഭ്യർത്ഥനകളും പരാതികളും മനസിലാക്കുവാനും സൈറ്റില്‍ സൗകര്യമുണ്ട്.
http://keralarescue.in/ എന്ന ലിങ്കില്‍ ക്ലിക്ക് ചെയ്ത് വെബ്സൈറ്റിലേക്ക് പ്രവേശിക്കാം.