'അമ്മ'യ്‌ക്കും ലാലിനുമെതിരെ വിമർശനവുമായി വനിതാ കമ്മീഷൻ

തിരുവനന്തപുരം: ആക്രമിക്കപ്പെട്ട നടി അടക്കം നാലു പേര്‍ രാജിവെച്ച സംഭവത്തില്‍ അഭിനേതാക്കളുടെ സംഘടനയായ 'അമ്മ' നിലപാട് വ്യക്തമാക്കണമെന്ന് സംസ്ഥാന വനിതാ കമ്മീഷന്‍. നടിയെ ആക്രമിക്കാൻ ഗൂഢാലോചനയിൽ പങ്കാളിയായതിൽ പ്രതിസ്ഥാനത്ത് നില്‍ക്കുന്ന ദിലീപിനെ തിരിച്ചെടുത്തത് ശരിയായില്ലെന്നും കേരള വനിതാ കമ്മീഷന്‍ അദ്ധ്യക്ഷ എം.സി ജോസഫൈന്‍ വ്യക്തമാക്കി.

ലഫ്റ്റനന്‍റ്‍ കേണല്‍ പദവിയിലിരിക്കുന്ന മോഹന്‍ലാലിന്‍റെ നിലപാട് ശരിയല്ലെന്നും അവധാനതയോടെ വിഷയം കൈകാര്യം ചെയ്യണമായിരുന്നെന്നും വനിതാ കമ്മീഷന്‍ അഭിപ്രായപ്പെട്ടു.

കൂടാതെ ഇടത് എം.എല്‍.എമാരെയും എം.സി ജോസഫൈന്‍ വിമര്‍ശിച്ചു. ഇവർ സംഘടനയില്‍ ഉത്തരവാദിത്വത്തോടെ പെരുമാറണമായിരുന്നെന്നും ജോസഫൈന്‍ കൂട്ടിച്ചേര്‍ത്തിട്ടുണ്ട്.