തൃപ്പൂണിത്തുറയിൽ 11 പേര്‍ക്ക് തെരുവുനായ്ക്കളുടെ കടിയേറ്റു

കൊച്ചി: തൃപ്പൂണിത്തുറയ്ക്കടുത്ത് പൂണിത്തുറയിൽ 11 പേര്‍ക്ക് തെരുവുനായ്ക്കളുടെ കടിയേറ്റു. നാലു നായകളുടെ സംഘം ഓടിച്ചിട്ട് കടിക്കുകയായിരുന്നുവെന്ന് പരിക്കേറ്റവര്‍ പറഞ്ഞു.

ഇന്നു രാവിലെ ഏഴരയോടെയായിരുന്നു സംഭവം. കൊച്ചി നഗരസഭാ പരിധിയിലുള്ള ജവഹര്‍ റോഡ്, അയ്യങ്കാളി റോഡ്, മരട് നഗരസഭയിലെ ഇഞ്ചക്കൽ റോഡ് എന്നിവിടങ്ങളിലാണ് തെരുവുനായ്ക്കളുടെ ആക്രമണമുണ്ടായത്.

എബിസി പ്രോഗ്രാം പ്രവര്‍ത്തകര്‍ വന്ധ്യംകരിക്കുന്നതിനായി നായകളെ പിടികൂടിയിട്ടുണ്ട്.

പരിക്കേറ്റവരിൽ ഒരു കുട്ടിയുമുണ്ട്. വീടിനുള്ളിൽ കയറിയായിരുന്നു നായകള്‍ കുട്ടിയെ ആക്രമിച്ചത്.

പരിക്കേറ്റവരെ ആദ്യം തൃപ്പൂണിത്തുറ താലൂക്ക് ആശുപത്രിയിൽ പ്രവേശിപ്പിച്ചെങ്കിലും മരുന്നില്ലാത്തതിനാൽ ഇവരെ എറണാകുളം ജനറൽ ആശുപത്രിയിലേയ്ക്ക് മാറ്റി.

(ലേഖനത്തിലും സമൂഹമാധ്യമ ലിങ്കുകളിലുമുള്ളത് പ്രതീകാത്മകചിത്രങ്ങൾ)