ചേലാകർമം നടത്തുന്നവർക്കെതിരെ നടപടിയെടുക്കും: ശൈലജ

കണ്ണൂർ: പെൺകുഞ്ഞുങ്ങളെ കേരളത്തിലും ചേലാകർമത്തിന് വിധേയരാകുന്നു എന്ന വിവരം നടുക്കുന്നതാണെന്ന് ആരോഗ്യമന്ത്രി കെ.കെ.ശൈലജ. ഒരിക്കലും അംഗീകരിക്കാൻ കഴിയാത്ത പ്രാകൃതമായ ആചാരമാണിതെന്നും മന്ത്രി പറഞ്ഞു. ആഫ്രിക്കയിൽ ഈ ആചാരം നിലനിൽക്കുന്നുവെന്ന് അറിഞ്ഞപ്പോൾ ആഗോള തലത്തിൽ സ്ത്രീ സംഘടനകൾ ഇതിനെതിരെ രംഗത്ത് വന്നിരുന്നു.

സ്ത്രീകൾക്ക് ആരോഗ്യ പ്രശ്‌നങ്ങലുണ്ടാകുന്നതിലും ഉപരിയായി ഇത് സ്ത്രീത്വത്തോടുള്ള കടന്നുകയറ്റം ആണെന്നും മന്ത്രി വ്യക്തമാക്കി. ചേലാകർമം നടക്കുന്നതായി തെളിവ് ലഭിച്ചതിനെ തുടർന്ന് ഡിഎംഒയോടും ആരോഗ്യ ഡയറക്ടറോടും റിപ്പോർട്ട് ആവശ്യപ്പെട്ടിട്ടുണ്ടെന്നും ശൈലജ വ്യക്തമാക്കി. ലഭിക്കുന്ന റിപ്പോർട്ടിന്‍റെ അടിസ്ഥാനത്തിൽ ചേലാകർമം നടത്തുന്നവർക്കെതിരെ കടുത്ത നടപടി സ്വീകരിക്കുമെന്ന് കെ.കെ.ശൈലജ വ്യക്തമാക്കി.

strong action against female circumcision: K K Shailaja

Health minister K K Shailaja says strong action will be ensured against female circumcision