ഹരിപ്പാട്: റോഡ് മുറിച്ചു കടക്കുന്നതിനിടെ കാറിടിച്ച് തെറിച്ചുവീണ കുട്ടി അത്ഭുതകരമായി രക്ഷപ്പെട്ടു. വെള്ളിയാഴ്ച വൈകിട്ട് എസ്എൻ ട്രസ്റ്റ് ഹയര്സെക്കൻഡറി സ്കൂളിന് സമീപമുള്ള ദേശീയ പാതയിലാണ് സംഭവം. ചേപ്പാട് എൻടിപിസി കേന്ദ്രീയ വിദ്യാലയത്തിലെ എട്ടാം ക്ലാസ് വിദ്യാര്ഥിനി നവമിയാണ് അത്ഭുതകരമായി രക്ഷപ്പെട്ടത്.
Also Read: ശബരിമലയിൽ ദർശനം നടത്തി തമിഴ്നാട് ഉപമുഖ്യമന്ത്രി
വീട്ടിലേക്ക് പോകാൻ റോഡ് മുറിച്ചു കടക്കുന്നതിനിടെ പാഞ്ഞെത്തിയ കാര് നവമിയെ ഇടിച്ചു തെറിപ്പിക്കുകയായിരുന്നു. ജോലി കഴിഞ്ഞ് വീട്ടിലേക്ക് എത്തിയ അമ്മയാണ് മറുവശത്തേക്ക് തെറിച്ചുവീണ മകളെ കണ്ടത്. പ്രദേശവാസികളുടെ സഹായത്തോടെ കുട്ടിയെ ആശുപത്രിയിൽ പ്രവേശിപ്പിച്ചു.
Also Read: ബാങ്കിൽ നിന്ന് അപായ സൈറൻ!; കുതിച്ചെത്തി ഫയര് ഫോഴ്സ്, കൊല്ലത്ത് പിന്നീട് സംഭവിച്ചത്!
ഇടിയുടെ ആഘാതത്തിൽ നവമിയുടെ തലയ്ക്കും കാലിനും പരിക്കേറ്റു. കൊച്ചിയിലെ സ്വകാര്യ ആശുപത്രിയിലെ വിദഗ്ധ ചികിത്സയ്ക്കുശേഷം നവമി വീട്ടിൽ വിശ്രമത്തിലാണ്. നങ്ങ്യാർകുളങ്ങര ശ്രേയസിൽ സഞ്ജീവിൻ്റെയും ആശയുടെയും മകളാണ് നവമി. സ്കൂൾ ബാഗ് ഉണ്ടായിരുന്നതിനാലാണ് കുട്ടിക്ക് പരിക്കു കുറഞ്ഞതെന്ന് രക്ഷിതാക്കൾ പറഞ്ഞു. സംഭവത്തിൻ്റെ വീഡിയോ സമൂഹ മാധ്യമങ്ങളിലൂടെ പ്രചരിച്ചിരുന്നു.
Also Read: 'ജെല്ലിക്കട്ട്' പോലെ രക്ഷാപ്രവർത്തനം! കിണറ്റിൽ വീണ കാട്ടുപോത്തിനായി കൈകോർത്ത് വനം വകുപ്പും നാട്ടുകാരും