എലി വിഷം കഴിച്ച വിദ്യാർഥിനികൾ അത്യാഹിതവിഭാഗത്തിൽ

തിരുവനന്തപുരം: മൂന്ന് വിദ്യാർഥിനികളെ എലി വിഷം കഴിച്ചുവെന്ന സംശയത്തെ തുടർന്ന് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. അന്തിയൂർക്കോണം ലിറ്റിൽ ഫ്‌ളവർ ഹൈ സ്‌കൂളിലെ 14, 15, 16 വയസുള്ള മൂന്ന് കുട്ടികളെയാണ് ഉച്ചക്ക് ശേഷം മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്. ഉച്ചഭക്ഷണ സമയത്ത് കുടിച്ച വെള്ളത്തോടൊപ്പമാണ് വിഷം ഉള്ളിൽ ചെന്നതെന്ന് ഒരു വിദ്യാർഥിനി പറഞ്ഞു.

ഉച്ച ഭക്ഷണത്തിന് ശേഷം രക്തം ഛർദിച്ച ഇവരെ മലയിൻകീഴ് കമ്മ്യൂണിറ്റി ഹെൽത്ത് സെന്‍ററില്‍ പ്രവേശിപ്പിച്ചിരുന്നു. വിദ്യാർഥിനികളുടെ അവസ്ഥയിൽ നേരിയ പുരോഗതിയുണ്ടെങ്കിലും കർശന നിരീക്ഷണത്തിന് ശേഷമേ ആരോഗ്യ നില വിലയിരുത്താനാകൂ.

Students hospitalized for taking in poison

Three teenage students hospitalized for taking in poison.