ഭൂമി തട്ടിയെടുക്കാൻ വ്യാജരേഖ: ജോയ്സ് ജോര്‍ജിന് നോട്ടീസ്

ദേവികുളം: ഇടുക്കി ജില്ലയിലെ കൊട്ടക്കാമ്പൂര്‍ വില്ലേജിൽ വ്യാജരേഖകളുപയോഗിച്ച് ഭൂമി തട്ടിയെടുത്തെന്ന ആരോപണത്തിൽ ഇടുക്കി എംപി ജോയ്സ് ജോര്‍ജിനും കുടുംബാംഗങ്ങള്‍ക്കും ദേവികുളം സബ് കളക്ടര്‍ വി ആര്‍ പ്രേംകുമാറിന്‍റെ നോട്ടീസ്. ഭൂമിസംബന്ധമായ മുഴുവൻ രേഖകളുമായി നവംബര്‍ 7ന് ദേവികുളം സബ്-കളക്ടര്‍ ഓഫീസിൽ ഹാജരാകാനാണ് എംപി ഉള്‍പ്പെടെ 38 പേര്‍ക്ക് നോട്ടീസ് ലഭിച്ചിരിക്കുന്നത്.

കൊട്ടക്കാമ്പൂര്‍ സ്വദേശികളായ എട്ടുപേരുടെ ഭൂമി ജോയ്സ് ജോര്‍ജും കുടുംബാംഗങ്ങളും ചേര്‍ന്ന് വ്യാജരേഖകളുപയോഗിച്ച് തട്ടിയെടുത്തെന്നാണ് കേസ്. 2015 ജനുവരി ഏഴിനാണ് ദേവികുളം പോലീസ് സംഭവത്തിൽ കേസ് രജിസ്റ്റര്‍ ചെയ്തത്. മൂന്നാര്‍ ഡിവൈഎസ്‍‍പിയ്ക്കാണ് കേസിന്‍റെ അന്വേഷണചുമതല.

Sub-collector sends notice to Joice George MP

With regards to Kottakamboor land case, Devicolam Sub-collector V R Premkumar sent notice to Joice Geroge MP along with his 37 relatives to present the documents.